Untitled

1
UMPATOD:
Kogulu po monorima kasih sid Kinoringan om Amai T.A.
Forschner sid saralom dit ongo tudukan kursus sid Taman Gerija
PCS di Toun 1993. Iti buuk ginama ditoun 1993 bahagi
koggunaan sinod hiza diri. Nopongo po printing i salinan netahu
no sid Hard Disk computer kasalan nopo i computer dipinakai
norungoi-no sampai noko-rundun i salinan rumungoi. Manjadi
iti Toun 2016 nosurat no vagu, i tomodon kosolinan vagu diti
buuk supaya ahandaman vagu i tudukan hiza diri om ohoritizan
it inantadon di Gorija PCS sid Sabah.
Ino buuk dino, inonsi di TEE sinoda di toun 1993 sid
Kudat. I Thema PCS sumiombo-ko ka? Ino Thema diri inanu
antad sid tangon dot i hiza dot i rasul Petrus sid Rum diri,
nohukuman-no iosido dot isangkap patazon, iadko i Yesus, nga i
Petrus minogidu antad sid torungku. Na sid tanga do ralan
mogidu, nokopisamung iosido di Tuhan Yesus sampai boros di
Yesus, Petrus, Sumiombo-ko ka? Iri-ogi minuli i Petrus sid
torungku sampai mindamo do kodung apatai sid kazu sangkap,
suvai otuntuvad i dau do guvas dot it ulu dau ponong sid tana
om i hakod ponong sid avan. Manjadi i buuk diti banalko kiguna
bahagi ditokou, sid saralom buuk diti agazo harapan vagu di
Amai sid sokovai umpug pcs mongohondom vagu ditudukan
dino.
Salinan vagu 5/10/2016 Di Hans Angels Jesrin
T.A.Forschner o Minomorisa
2
POGIHEMAN NALAD:
Reformasi: Profail do Telogia pcs………….3-9
I Harati: Sundu dot Osusi…………………..20-38
Rukut Om Persembahan……………………39-51
I Tugas Sid Gorija…………………………..52-58
Ongotudukan kursus 1993
Sid Taman Gerija PCS
T.A.Forschner
3
REFORMASI> POTORONTOG DO GORIJA: I PROFAIL
DO TEOLOGIA PCS
I. I kembulazan do gorija.
Nelaan tokou kavi i suhu di Yesus diri sid Matius 28, 18-20,
om sid Matius 10 om Lukas 9 om 10. Gam sid Lukas 9 varo
boros dot, Ong mamanau i kinoruhangan di Yesus, tungkat, nga
aso, akanon do kokorui, aso, juli, babo, nga aso. Ko sid
poginakanan di Yesus sid Yahya 13, varo boros dot, ikou dino
susuzo-no dikou i gama-ku diti, ka, ino-no momoug di hakod do
koruhang. Ino-no atalahas, i minonuhu i Yesus di kinoruhangan
dau polombus di gama dau: (iadko i Ama minonuhu dohon o
gama-ku monuhu dikou, ka Yahya 20, 21) aso syarat om aso
suhu do kuran ot atag mangahatul di'piumpugan dot ulun
Kristian sid tohudi't adau. I Yesus minamahanda rontob dot
porikoton dau i Sundu do Kinoringan do iadko kuasa di
mangahatul dioti. Manjadi antad di suhu di Yesus di iadino, aso
kiniro di kinoruhangan dot alaid banal i hiza dot aso sino i
Yesus. Intaman ong bai oduruk koguli vagu iosido sitid
pomogunan tu mangahatul di karajaan do Kinoringan. Na sid
pongitungan dioti do iadino, i kiniro dioti kananganko i karajaan
do Kinoringan, miabal do karajaan di dang riniba. Sabap ino, i
hiza do tumimpuun do varo't ongopiumpugan dot ulun Kristian,
iadko ontok di Pentakosta, iri-ogi sid Antakia om vokon, aso-po
tantu hoturan ko administrasi. Alaid-no ong varo retanko it a-ko
piro it ongorasul mad origi do gorija. Iri-ogi varo hoturan do
varo't ulion om osukod do piumpugan om varo-po ponginjil. Ino
tolu o tugas, iseso o vaza mamarakat sid gama patampal dit ulu
dioti om mindamo di kovosihan om kotulungan di Sundu do
Kinoringan bahagi di tugas dioti. Ong i retanko uskup ko
bishop, ino-no o harati, i mongontupat ko i mangajaga, dot i
4
tugas dau bai i piumpugan dau. Antad di surat di Paulus pakaa
sid Tesalonika II humarati tokou dot inot ulun dino, vokon-no
amu ogunaan banal di piumpugan, tu iosido minogihim di
kovonuso om katagan do piumpugan. Topot it ongoahli-ahli do
piumpugan a-ozi do varo mangahatul om varo mongira di
katagan. Inot ulun dino, ka di Paulus, avagat o boboon dau. Ikid
piumpugan om daerah minongimbulai di dau do hoturan,
kananganko i vaza mangahatul om mangagazad dit
ongopiumpugan.
II. I kembulazan do hoturan do gorija.
Suvai i Toun 325 om varo kopilumbatasan dot iso-no o
boros do kosipan, ino-no i KOSIPAN DOT ULUN KRISTIAN
om Toun 358 om varo-ogi KITAB VAGU, dot i Bishop
Athanasius o minonurat sid ongopiumpugan dau dot itit 27 o
buuk ot otopot. i KitabVagu dit Ongoulun Kristian, iadko i
Kitab tokou biano. Aso sinoda nokopiupakat ko
minongolumbatos di iadino.
Iri-ogi i Bishop Rom banalko mongogorot dot iosido o
randavi dit ongobishop, tu, ka dau, i Bishop keso sid Rom, inono i Petrus. Na i Petrus inanu-no di Yesus dot ulion do gorija, tu,
Ikau-no i Petrus (pampang) om sid pampang dino o
potimpakon-ku i piumpugan-ku, ka di Yesus (Matius 16, 18), ka
di bishop sid Rom sampai minanarang dot antad sid di Petrus it
ongoulion do piumpugan sid Rom, atamparan om atahakan i
barakat di Petrus soumul-umul sampai iosido, nga kumavid di
barakat antad sid di Petrus. Iti-no o sabap: ioku o mongontok di
Petrus do tanggung jawab di gorija, ka dau. Retanko, antad sid
di Yesus i kuasa dau dino. Manjadi antad diri agazo o hak di
bishop do Rom dot alaid-nopo iosido mad ulion do gorija. Topot
5
i kogumuai dot ongohoturan inovit-no sid ongosinoda do
oikumene, iadko sid Nizea (325), Konstantinopel (381), Efesus
(431) Kalkedon (451) om i iadino. I kunsil do Oikumene
miniupakat om minongolumbatos dot ombo i teologia do gorija
om ombo o tudukan sumaap ko mongorungoi di kosipan. I toun
1054 minitongkizad i gorija ponong sid Barat om i ponong sid
Timor, tu varo kopigogutan kananganko i Sundu do Kinoringan
om it inantadan di Sundu. Ioti sid Timor minongohodtol dot i
Sundu dot Osusi bai minimbulai antad sid Kinoringan it Ama.
Topot ong i sid Barat, retanko, i Sundu minimbulai antad sid
Ama on it Anak. Na okonko bai ino o sangkut di
kinopitongkizadan, inoi nga varo-po hal vokon, ino-no, a-koho
ioti sid Timor dot i Bishop do Rom (i retanko Pope ko AMA) o
mangaratu di vaza do gorija, okonko antad it kopiupakatan dit
ongosinoda.
III. I Reformasi.
Iri-ogi sid dawan Rakyat Worms 1521 osunsub-no i Martin
Luther sid gorija, dot i Kaisar Charles V o minangahatul di
iadino antad sid suhu di Pope. Sabap ino, iti toun 1521 mad
kotimpuunan di Reformasi. Ino reformasi dino nokotimpuun,
hiza dot i Martin Luther minamaku dot 95 ongoayat di
minangarait di sokoviai it karaatan di gorija i hiza diri, it
ongohal dit amu kopionong di Kitab om i Habal do Kovosihan. I
kenginan dau, pangatag vagu ombo it amu ahatul sid
ongohoturan do gorija. Topot a-koho i Pope do mangatag, tu, ka
dau, Biano okonko i Kitab o ponukat di hoturan do gorija, inoi
nga bai i Pope kavasa mangahatul om mangaratu do hoturan om
bai iosido kavasa manarang om manafsir di Kitab. Gam i hiza
diri a-kavasa i razat Kristian mamasa di Kitab. Oholian kalandu
i gorija sid Duniawi, mongogorot dit ongoulun manahak do
6
rukut bahagi dit ongokobongunan do gorija, rumbul satu i sid
Rom, tanda di kuasa om hormat di Pope. I vaza mongorukut,
pakaraat dit ongoulun, retanko agazo o sala dot a-milo-milo it
ulun sumuvang sid naraka, sid apui dit amu opisakan, ong amu
mamarai do rukut. Ong abarai-no, mad varo tiket sumuvang sid
surga, ka. I sokoviai i gama mangahatul di razat di nopodsu-no,
nga kakali okonko otopot kaharati di Habal do Kovosihan, tu
amu ahabal gima i Habal do Kovosihan, bai hukum di posusa dit
ulun o tudukan di gorija diri. Okonko impiro piro laid varo't
ulun di minoniim mangatag, dot aso tinganan. Suvai hiza di
Luther sid Germani om i Zwingli sid Switzerland, om
nokosondot i gama mangatag, gam kengkakat do gorija do
Reformasi, tu osunsub ioti sid gorija do Rom. Na okonko enizo
o gama di Luther om i Zwingli. I Zwingli sinumaap di hoturan
di bishop di kinumavid-po di hoturan do porinta sampai minatai
iosido sid rumpak. Na i kinoruhangan dau minanalin di Kitab
sid boros do German, i retanko Kitab Zuerich. Ino-no i hoturan
di Zwingli, i gorija, suvai nosusi-no ong nokedu-no sid
panambayangan i sokoviai it ongohal di nakamung dit okonko
kristian, iadko it ongogambal, i tanda do sangkap, it ongolobong
sid rinuvang do gorija, i padaha. Minsanko it ilunsing, nga
niada-no om nedu-no sid gorija, supaya aso warna ko bunga-po
sid gorija. Bai i Kitab-po ogili sid meja. Aso liturgia: bai longoi,
pomintaan dua, khotbah, barkat om opongo i gama
manambayang. Bai i boros do Kitab ot ogunaon-po. Aso
pakazan di pandita di kiumpakai. Bai i gaun-po do universiti,
tanda do nokosikul do universiti, ka. Na i John Calvin
minomongo di hoturan di iadino sid Geneva, gam minangahatul
di Kuta Geneva iadko i Yerusalim Vagu, dot a-kavasa do varo't
ulun sino dit Katolik ko labus. I komitee Gorija, nga Dawan
Rakyat. I piumpugan om i razat do bandar, iseso om i hoturan
7
do gorija om pomogunan, nga iso-no. Retanko ioti, iti-no o
kotimmpuunan do karajaan do Kinoringan. Isai i tumohiang, nga
osunsub ko osorob sid apui.
Ong i Luther, bai mongimvagu di gorija o tomodon. It ulion
do daerah jumadi dot ulion do gorija, iganti di Pope. I liturgia
inanuno sid liturgia di gorija di gulu. Bai ombo i nagagavul sid
liturgia dit okonko isuhut di Kitab, niada di Luther sampai
minangahatul dot i gama sumambayang, nga sid boros do
daerah, okonko Latin-po. I horotizan dau i poginakanan di
Tuhan Yesus: okonko i pandita posiliu di roti om anggul sid
onsi om raha di Yesus, iadko i itudukan do Katolik, hiza dot i
pandita potunggol di roti om i subung, inoi nga hiza do
mongogop om minum it ulun, jumadi it roti om i anggul do
guvas om raha di Yesus di pezo dit ulun sid piniizaan di Yesus
om guvas di Kristus. Ong i Zwingli minanarang sampai iti-no i
tradisi do Gorija Presbyterian, i roti om it anggul bai tanda di
guvas om raha di Kristus. I roti, kakali roti om it anggul kakali
anggul i hiza di makan om minum it ulun. Ino hiza diri
tumimpuun dot i gorija abahagi-no sid ongogorija do daerah om
wilayah sampai ikid wilayah om daerah minongimbulai di dau
do‘tradisi om vaza gumorija om mangahatul di razat dot ulun
Kristian. Ong i hoturan di Luther, it ulion do pomogunan jumadi
dot ulion do gorija Wilaya, i panambayangan nga isuhut di
tradisi di daerah do vatu o panaap, varo tanda do sangkap di
kitiningulun, i meja sid rinuvang do gorija retanko pinadaha,
kengkakat sid tanga, topot ong i tampat mingkhotbah sid siring
om varopo tampat bahagi di kopomodsuan di iadko meja di
kimundam. i pandita do piumpugan pinangkat dit ulion. Na i
Luther minonurat do panarangan di kosipan, om sid tohudi, it
ongogorija daerah di sinumuhut di hoturan di Luther diri,
8
minongomungaran di gorija do gorija Lutheran, ino-no o harati,
sumuhut di hoturan di Luther. Na it upakat dioti di iadino,
inanu-no dioti do syarat Gorija Lutheran.
Ong i Zwingli om Calvin, ikid piumpugan varo hoturan
kondiri, i siin, balanja do pandita. I piumpugan momili di
pandita dau. Ensanan i hoturan sid piumpugan, kondiri di
piumpugan mangahatul do aso hoturan antad sid luar om aso
pongitungan ponong sid ulun vokon dit amu mizon sid kampong
ko bandar om piumpugan sino. I kampong om i piumpugan
iseso, mad novolitan. Isai it a-kamung sid piumpugan, akavasa
mizon sino. tanid mantadko i hoturan sid Geneva, alaid-nopo
varo kembulazan do panarangan di kosipan isuhut di tradisi di
Zwingli om Calvin, i retanko Panarangan di Kosipan antad sid
Heidelberg di kivaro labaan dot 125 ot ayat di manarang dit onsi
do kosipan dot ulun Kristian.
Na i gorija Anglikan di minimbulai sid England antad sid
hoturan di raja di minogidu sid hoturan do Rom, aso tantu o
hoturan do kosipan om vazaan mangahatul di gorija. Varo 39
ayat di manarang dot okon-noko sid Rom o puun do gorija.
Topot kakali varo iso bahagi di sinumusui di vaza Rom do bai
amu mongoguna-po di Pope kondiri, varo-po bahagi di
sinumusui di hoturan di Luther ko i Zwingli, nga okonko
minangarait di duvo i ngaran dino. Na kavi it ongogorija di
minongimbulai diri, retanko Protestant, tu sumasi di kososizan
di katagan (Pro = ponong sid, testare = sumasi)
4. I hiza do Mission di dang Protestant
Ponong sid kovian di Abad ko-18 om ahatul banal hiza di
Abad ko-19, minimbulai it ongorombongan di posurut di
9
Mission sid tanga dit ongogorija Protestant. Inot
ongorombongan dino okonko antad sid hoturan do gorija. Sabap
it ongogorija di mamakai sid ngaran dau di daerah ko wilaya,
enizo ovolitan, tu i gima i raja ko it ulion di tanid o bantug ot
ulion do gorija-po. Aso kiroon dit ongoulion ponong sid ulun
om bansa ko pomogunan vokon. Bai it a-ko piro it ulun Kristian
nakaharati-no dot i suhu di Yesus do pokoruhang di sokoviai it
ongobansa, nga amu-po otuluk-no sampai minogihim ioti do
vaza do polombus di Habal do Kovosihan. Manjadi it
ongorombongan ko retanko Missionary Society = Pertubuhan
Missi, pinapanau dit ongomisionari sid ongopomogunan, ong
antad sid England, sid ongokoloni do British om it ongobansa
vokon sid dau do koloni, tu mananom di gorija sid ongokoloni.
Inono o horotizan dioti: Sid dau do pomogunan i hiza diri bai iso
bansa o gorija, aso-po denominasi vokon, ko ong varo iadko sid
England, kakali: mongitung i misionari do suvai atag o gama
dau ong mananom ko pengkakat iosido do gorija isuhut di
hoturan di gorija dau sid dau do pomogunan. Iti-no o sabap,
sokoviai it ongobongunan do gorija di nokembulai antad sid
gama di mission dang Anglikan, nga Stail do Anglikan, iadko it
ongopanambayangan sid England, dot amu monodiri, sid Kina,
Koling ko Afrika. It ongomisionari do Germani om Switzerland
minangatod di pakazan dit ongopandita sid pomogunan di
rikoton dau, dot ino pakazan di pandita, bai pakazan do
Professor sid Universiti dot iamung-po i retanko Geneva Band,
ino't opurak o lintai. Tu ong kodori gima i sumikul om i
mangajal sid Universiti, nga mamakai do gaun dot etom.
Manjadi i sokoviai i kobuatano dit ongogorija do daerah sid
Barat, Europa om USA, inatod-no sid ongopiumpugan di
mingkakati sid ongopomogunan do Asia om Afrika, isuhut di
tradisi dot Anglikan, Methodist, Baptist, Basel, USA-Lutheran,
10
Sweden Lutheran, Finish Lutheran, Danish Lutheran ko German
Lutheran antad sid Bavaria, Hannover, Berlin, ko Leipzig.
Sabap ino, sid Hongkong hiza di toun 1960, varo hopod om turu
gorija di Dang Lutheran om varo 17 o seminari ko Bible School
di dang Lutheran di mitatanid-tanid mangajal di kosipan, isuhut
di tradisi di Luther om i-po daerah dit inantadon dit
ongomisionari.
Ong i Basel Mission, tu rombongan dit ulun Kristian dit a-ko
piro ot inantadon do gorija Daerah, ino-no Swiss, German,
Fransis, Austria, Russia om vokon, minongitung laid dot jumadi
do Mission dot Oikumene dit amu engat i daerah ko i
denominasi om tradisi, inoi nga sumokot sid Habal do
Kovosihan, om mangalai dara di kobungoho do pajadi di gorija
sid pomogunan di rikoton iluu di gorija dit inantadon do
misionari. Na sid Kamerun ogumu ot ongomisionari dit antad
sid Switzerland, kakali i gorija jinumadi do Gereja Presbyterian.
Topot ong i gorija di minimbulai antad sid gama di Basel
Mission sid Koling, minizo-no dit gorija Anglikan om
Methodist om Congregational Church do jumadi do United
Church of South India. Sid Ghana kakalpo moniim it ongogorija
di tasantanid o tradisi om denominasi do jumadi do Gorija di
Kristus. Sid Jipun, varo 216 o denominasi, nga i Kaisar kondiri
minonuhu hiza di Rumpak Dunia koduvo do pezo dit
ongogorija. Iri-ogi minimbulai i Gorija di Kristus, i ngaran dau
Kyodan. Topot minsanko intanga dit ongoulun Kristian sid
Jipun nakamung-no sid Kyodan, kakali varo-po 214 o
denominasi vokon di retanko Kristian.
11
5. I kinembulazan di Goria Protestant sid Sabah.
Adau ko-11. Disember 1952 minangakun it ongoosukod dit
ongobinatang sid somok do Sikuati dot i Pandita Honegger
kavasa mindakod sid ongobinatang om mangahabal di Habal do
Kovosihan. Vulan kavalu 1955 varo insan-ogi miting dit
ongosukod dit a-ko piro o piumpugan dot ulun Kristian dot i
panangan di miting diri, mangahatul dot ongopiumpugan dot
enizo o hoturan, kananganko i pesta Kamatan, i hal mogontong
ko musavo ong Kristian, i hal do persembaan om i gama
mongolobong. Na i panarangan di Honegger diri, ino-no, i kuran
it ongokristian sid Switzerland om sid Kalimantan mangahatul
di dau do piumpugan. Ino panarangan dino inimbulitan sid
miting koduvo 29-30. Disember 1955. Manjadi, minsanko
minangakun it ongosukod sid hoturan do Dayak om Swiss, nga
amu-po kaharati ioti di panangan di iadino, bai mongoho
sangkapamarasan.
April 1956 om miniting-no vagu, nakamung it misionari
vagu di kipangalaman misisingilo di Usuran do Gorija om i
Mission do turu toun sumikul di Usuran dino, nga nemot dau i
kolonduan ong bai sumusui dit ongogorija sid Swiss ko
Kalimantan, tu kakali amu kosondot i kogunaan dit ongohoturan
di iadino. Tu ong otopot, inot ongohoturan dit ongogorija nga
varo puun sid Kitab om varo-po nakamung i hal do kobudayaan
ko koundango do daerah. Iti-no o sabap osusa monodiri ombo i
dang Kitab om i Habal do Kovosihan om ombo i dang daerah ko
koundango dit ongobansa, supaya i gorija vagu oturug sid Kitab,
dot i Habal do Kovosihan ot origi om lumavus dau, okonko i
koundango do bansa vokon.
12
It ongogorija vokon ohoturan di dau om dau dot usuran.
Iadko i gorija sid Germani, turu natus toun varo gorija om iri-ogi
varo Kitab di nasalin sid boros German sampai kavasa it
ongoulun Kristian mamasa di Kitab. Turu natus toun it
ongopandita kadapat momorinta di gorija isuhut di kovosihan
om kenginan di Pope. Pengkaa dino i hoturan di Luther ko
Calvin ko i dang Methodist, nga nokembulai antad sid situasi di
dau do pomogunan om i dau do kavazao. Iti-no o sabap, ka di
misionari vagu, amu atag do bai sumusui di tradisi dit isai-nopo
o denominasi ko gorija om hoturan ko onuvon di dioti dot
ongoayat om ongo article, Anglikan, Lutheran, Presbyterian,
Methodist ko i kobebasan do Baptist dit amu mangakun do varo
hoturan, tu ikid piumpugan sumuhut di dau do ginavo, ka, inoi
nga atag ong mogihim do hoturan di kopionong sid Gorija om
Piumpugan do Kristian sid Momogun, suvai mongonsi di Kitab
om mokibabaal sid Kitab dit ongoorigi do Gorija sid Sabah. Na
sid saralom dit gama manafsir dit a-ko piro bahagi do Kitab,
ino-no o kosondoto di mad origi do gorija, ino-no
Isai i gorija.
Sionggo antad i gorija.
Nunu-ka i kosipan.
I kopomodsuan.
I paginakanan di Tuhan Yesus.
I hoturan do piumpugan.
I Ponginjilan.
I kotundaan do piumpugan.
I kososizan do piumpugan.
I Piumpugan sid tanga do razat.
13
I valai do panambayangan, mamakai di Momogun Stail do
posurut ponong sid kapapago, iadko nagama sid Popot, Parapat
om a-ko piro kobongunan vokon. Sid rinuvang do gorija, varo
pinadaha om sangkap, tanda di Kristus, varo ponuturanan do
sangkazu o ginama, tu ogumu it ongolugu sid himbaan om
govuton. Lugu, nga tanda do atahan om akansang om varo-po
pogomon di pinggan do kopomodsuan, dot ino-no i tolu i tanda
do kosipan: I boros do Kinoringan om i duvo i tanda di boros do
Kinoringan, nga varo sid rinuvang do gorija, dot inudsul do mad
longguvai ko i nunu ot nakakalan do tukang Momogun. Pengkaa
dino rinindangan do bintuod do haba i rinding ponong sid luar
iadko sulap, supaya amu odorunan, nga ongis sid rinuvang, tu
kibintuod-no. Obuka i rinding, supaya minsanko sid lamas,
kening di boros do Kinoringan. Tu i gorija do Momogun, obuka
ponong sid lamas on natad, tu a-engat do volit om
pangarantaban. Varo cadangan dara do mamakai dit ongokiuni
bahagi mongodim dit piumpugan, nga tiniago-no dit ongosukod,
tu, ka dioti, it ongokiuni apakai sid gama mongodim dit
ongorogon.
Pengkaa dino varo cadangan dara mamakai dit ongolongoi
iadko mangandavai ko mongoronsukan, nga a-koho vagu, tu ino
dino okonko longoi dit apakai sid gama mangarazou do
Kinoringan, bai momoi dit aso tantu-tantu, ka. Om it
ongounizon, somboton, ongurali. sundatang, nga iadino o boros.
pakakas do mongodim di rogon, ka. Ong sabap i hoturan laid
dot mongolobong siombo-nopo o kenginan dot ulun, do sid
tohudi varo kosusaan, tu kiapui sid ongotagad, ong varo lobong
sino, varo hoturan do mongolobong sid pangalabangan dit
ahatul, tu aso korosizan do mangaladtak di lobong dit ivanon,
gam i gama rumikot sid lobong ontok dit adau di kinogulianan
14
di Yesus o vaza pazazad di Habal di kogulianan di minatai sid
tampat do kinapatazan. Iri-ogi aso gaun bahagi mengkhotbah,
gam minsanko i gama mengkhotbah okonko bai it iso it ulun
mumbongut om i vokon motos kavi, inoi nga mad sumikul do
miboboros miduduat-duat, supaya kopiharati banal it ongoulun
sid gama monuduk mokituduk om sompi misisingilo sid Habal
do Kovosihan. Hiza di kembulai i hoturan di Tumpuk
kopitatabangan, isuhut di hoturan di Yesus di' minonuhu di
toduvo-duvo i kinoruhangan dau mamanau pazazad di Habal do
Kovosihan (Lukas 10) dit insan minonuhu i Yesus, 72 ot ulun,
okonko bai it hopod om duvo i ongorasu1,varo upakat do varo
banat etom dit opokong o longon om lintai dot opurak sid liou,
tanda dot abarakatan bahagi di kopomodsuan om poginakanan
di Tuhan Yesus. Iti kavi, supaya i PCS kondiri humarati antad
sid Kitab dot ombo it atag o hoturan om kavazao ponong sid
kosurutan di kenginan do Kinoringan sid tanga do Sabah.
Minsanko i ngaran Protestant ko Gorija Potorontog opili-no,
supaya banal i gama tokou sumuhut di Yesus, okonko bai
gambal di gorija vokon, iadko ondig-ondig dioti.
VI. Siombo i tokou biano, om nunu o di tokou do Teologia om i
vaza tokou manarang di boros do Kinoringan om i kosipan
tokou?
Ino-no atarang, it ongogorija vokon inimvagatan di tradisi do
2000 tinounan. Na varo boros laid di Paulus, kananganko i
molos ko mamung sid ongotradisi om vaza humarati om
mangahatul, Porisao-no dikou i sokoviai, om it avantang,
pakazo-no dikou om toudo-no dikou, ka.
15
Iti-no mad tajuk om syarat bahagi di dahai o vaza poromut
sid dikou diri di Habal do Kovosihan om tumabang sid gama
mangahatul di PCS. Ino hoturan do PCS diri onibak, agaan,
oruhai humarati, amu avagat, tu kakali omulok om okugui,
sampai aso-po ogumu ot pakakas om alad mamanau om
mongusaha di kenginan do Kinoringan. (Ong ulun di
misisingilo-ogi monginjin, okonko sid burudozer o
tumimpuuni.) Kagi, suvai kopionong dit ongoulun di sid
piumpugan.
1. Antad sid origi keso, i PCS nga iso bahagi di Gorija di Kristus
sompomogunan, miniamung i PCS sid World Council of
Churches i toun 1975 om milang sid ongotudukan, teologia om
ongomajalah di WCC. Na i kosipan di WCC bai onibak, ino-no,
i WCC nga piniizaaan dit ongogorija di sumasi di Tuhan Yesus
do Minananggung isuhut i tudukan di Kitab dot Osusi sampai
mitatabang sid gama posurut di tugas, supaya ohormatan i
Kinoringan it Ama, it Anak om i Sundu dot Osusi.
2. Siti, osusa do varo gama tokou potorontog, ino-no sid gama
tokou kondiri. Tu i tokou nga suntuan di piumpugan om gorija
tokou. I profail do Gorija om i kobuatano do gorija, i tokou
tokoui o posuntu, ponong sid kavantango om ponong sid
karaatan. Piro jaham somminggu varo kotibangan mamasa di
Kitab, monodia di khotbah, misisingilo om posurut di teologia.
Suntuan, Kursus kiriman, 90 ongoulun o nakamung. Iso
Manaud Puruvan ko kerja penoh, nga aso di bai nopongo i
palajaran keso. Varo 20 ot ulun di nakagama vokon sampai
pempongo di palajaran kotolu dot avantang o gama. Ulun di
16
mansahari kondiri ot otibang. Topot it ogojian ko abalanjaan do
PCS, nga amu.
3. Insan-po dino, nunu-ka i kobuatano do PCS, antad sid oumba
dahai diri? Ong Anglikan, isokot sid hoturan do porinta British.
I raja mamangkat dit ulion dioti om i Ketua Monteri do British
manansadang dit ulion. I tokou sid Sabah, nga kakali okonko
Gorija di Dang Sabah, inoi nga Gorija di Kristus sid Sabah. Tu i
Gorija bai iso-no. Ong i BCCM, retanko Basel Christian Church
of Malaysia. Ong "of" harati, dang Malaysia. Duvo o ngarankagi di duvo o pomogunan, Basel om Malaysia. Ino dino
okonko hal do kosipan ko tajuk do gorija. Basel ngaran do
bandar om daerah, okonko ngaran do denominasi. I Gorija Basel
okonko Basel Mission om i Basel Mission okonko gorija, bai
pertubuhan do Mission. Kagi, nunu o harati ong Christian
Church. Aso gorija dit okonko Kristian. Mad nenduvaan
mangarait dot ong kodung nenduvaan o boros, harati,
pokurangan do harati, iadko, sinapi-sapi, bai suntuan do sapi,
okonko sapi banal, bai momoi, tiningulun. Sid ngaran dino akembulai i kosipan om hoturan do BCCM. I toun 1957
nakamung i BCCM sid Lutheran World Federation. Topot varo
boros sid Majalah dot 100 Toun BCCM dot ino gama mamung
diri sid LWF bai tomod mamung, tu minsanko elaan dahai dot
isai i LWF, ko kaharati do LWF, nga amu-po. Suvaiko sid
konsultasi sid Kundasang 1979, hiza do varo't ulun do LWF
nokorikot om kaharati-okoi dot okonko Lutheran i BCCM.
Antad diri minogihim-okoi do jumadi do Gorija Lutheran. ka.
Ong monginsosok dara di duvo nopod pandita do BCCM,
kiroon-ku iso nga aso elo mongohondom di panarangan di
Martin Luther kananganko i kosipan, i retanko It Onibak i
17
Katekismus di Luther, nga amu, lobi-po ong it Anaru. Banal no,
ino panarangan di Luther okonko miabal do Kitab. Rontobnopo, ong sumasi-oku do Lutheran-oku, suvaiko elaan dit
inantadon om panangan om otopot-oku Lutheran.
Gorija Baptist, nga okonko atag o ngaran, tu mad momili di
bai iso o hal do kosipan, retanko iti-no o kongkod di kosipan-ku.
Sid gama di iadino pokihi di sokoviai it ongobahagi do kosipan,
pokihi-oku di piniizaan dot ulun Kristian sampai mimbulai di
kosumbungo-ku di retanko bai ioku ot elo monodiri om
humarati di Kitab. Methodist, nga iadino, hal antad sid England,
isuhut di kobuatano dit Abad ko-18 sid England. Okonko i tugas
om kavazao do Sabah ot itungon. It ongokempanas dit atag
imaraon ong sid England, amu kopionong di kolosuo do Sabah.
4. I Gorija Potorontog sid Sabah -PCS.
a) i tampat do kopudan tokou sitid Sabah, okonko sid surga.
Ulun tokou di razat Sabah, Pasok Momogun. Topot okonko ulun
di mangansal di gorija tokou dot ulun etom a-kavasa mamung.
Ong varo ulun dot Indonesia, ulun dot Europa di siti mintoron,
minsanko hiza di siti-oku, nga ahli-oku do PCS, minsanko
okonko Momogun-oku, tu i PCS, sambahagi di gorija di Kristus
sompomogunan. I gorija di Kristus amu engat do rontob.
Ogiang-no i rongobon bahagi dit isai-nopo i engin mamung. Bai
iso o syarat, ino-no i kopomodsuan, i poginakanan di Tuhan
Yesus om i hoturan do gorija isuhut di kolumbatasan di WCC
sid LIMA 1982. Aso gama pokihi dit ulun vokon, Banggi ko
Kina ko isai-nopo, ong kodung ulun di mangasip iadko i tokou.
Atag do mamasa om mongohondom om mokituduk di
Kinapangaan do LIMA 1982 on i kosipan di WCC. (imatai sid
savat). Onibak i kosipan di WCC, nga agazo o panangan, tu amu
18
mangansal om mongorinding ko monunsub, ko varo syarat di
ginama do riniba, pope, ko EXKO ko isai-nopo.
b) I Gorija, i harati Dang Tuhan, Ekklesia = nokodim di Tuhan)
okonko hoturan di dang riniba, inoi nga i gorija wakil om
ponuhu di Kristus sid tanga do riniba. Sid osilou i buuk dot: I
Gorija om i Mission dau varo panarangan dot i Gorija, ino-no
1. Bansa do Kinoringan.
2. Guvas di Kristus.
3. Inintoronon di Sundu dot Osusi, Organisasi sid tanga do
riniba. I panangan do gorija, pazazad di Habal do
Kovosihan om Jumadi do persembaan did Kinoringan
(Rom 12, 1-2) di mizaui (guvas om ginavo).
I Tugas do gorija:
a. mad nabi i gorija di mongontupat om mangajaga om
mamahanda di piumpugan om i razat dot posuvang dit
ulun sid kanavahan o tomodon om pavalang di
kotuvongo.
b. mad Imam di mongontok sumamba, tanggung jawab di
piumpugan, popizo dit ulun dot osusi om mangagazad
sumambayang, mangahatul di Boros do Kinoringan,
mangahatul di kaadaan do karaatan om kasalaan.
c. Mad suntuan di karajaan do Kinoringan (2. Korintus 5,
17 om Galatia 6, 10) mongumbasih di sokoviai,
piniizaan di posuntu di karajaan do Kinorinan om i
ranzat vagu, i Adam koduvo. I gorija polombus di
hoturan om gama di Yesus.
19
It onsi di Habal do Kovosihan, ino-no i kososizan tokou PCS: I
Yesus o minongimbulai di hiza vagu sid tudukan om sid gama
dau
a. minongimbulai om manarang di
Kinoringan (Matius 6, 33; 5, 3-10.20)
kabanaran
do
b. minongimbulai di kopioondusan do Kinoringan om
minongimbulai di vangun vagu di kosondot sid
pinonuhuan dot Asamod:
 i tokou ulun PCS masi ponong sid Kinoringan om
ponong sid ulun vokon. Iti-no i kosipan, kobuatano om
kavazao do PCS. Okonko i ngaran o kiguna, it
ongopongoretan, it ongorumbul, it ongohurup, inoi nga i
kososizan di nitanda sid kobuatano tokou. Ikid tokou,
ong sukul okonko bai lopot dot aragang ko osilou di
sabun di banalko aso guna. Okonko i lopot o kiguna, inoi
nga it onsi, i guvas om i ginavo dit isamba sid
Kinoringan, isuhut di gama tokou minta dua, ong kodung
pasamba sid Kinoringan di parsambaan tokou minggu
minggu. Antava ino boros dino bai sangkapamarasan-ka
naku?
20
I SUNDU DOT OSUSI >>SUNDU DO KINORINGAN
>>KUASA DO SUNDU
Umpatod:
1. I pongoretan om i harati dau. I pongoretan dino mongontok di
Boros Ibrani RUACH
KADOSH ko RUACH ELOHIM (Yahve)
Boros Yunani. PNEUMA HAGIOS ko PNEUMA tou
THEOU
Boros Latin SPIRITUS SANCTUS
Boros English Holy Ghost ko Holy Spirit.
Boros Dusun Rusod dot olidang
Ong ruach bai harati = barat, pomuhobo. I pangalaman di
Musa om i Elia sid burul dot Torsina, varo barat dot opian om
olomomoi (1. Raja 19, 12), nga it kaharati di Musa om i Elia dot
ino dino kondiri di Kinoringan.
Ong pneuma, mad kotolu bahagi di riniba isuhut di
Philosophy do Yunani, ino-no it ulun nga varo tolu o bahagi,
ino-no, guvas, nyawa om roh = body, soul and spirit. Topot ino
dino amu kopionong di tudukan di Kitab. Tu boros sid
Kinotimpuunan 2, 6: i tana dit osilou om i pinuhobo do
Kinoringan kopiamung pajadi dit ulun di kiginavo = nafas
hidup.
Ong Spiritus, spirit ko Roh, kakali amu-po osodiri dot
avantang ko araat, bai manarang do varo kuasa dit okonko dang
vinangun ko riniba.
21
Ong Rusod, tantu ngaran do rogon di nokezon sid ongkob
dot ulun, tu monusa dot ulun. Banalko apagon do monimban di
harati dino, tu kodung araat, songkuro-nopo o gama
monginvavantang dit araat, kakali araat.
Ong sid Momogun, varo-no laid osodiri do kuasa ponong sid
kavantango om kotulungan om i ponong sid karaatan om i gama
mangaraat di riniba, ino-no, Sundu om rogon. Sabap ino, i boros
Momogun kiguna banal siti, tu manarang sid gama monodiri dit
ongopongoretan dot ombo ot anangan.
2. I kosipan tokou manarang do varo tolu o vaza manarang dit
ong otopot, aso tinganan taranganon, ino-no i Kinoringan it
Ama, anak om Sundu dot Osusi. Varo boros tokou sumusui dit
ongogulu-gulu Kristian, dot, Tritunggal ko Trinity. Ino duvo
pongoretan sompi popogolivong. Tu kuran-ma, tolu dot iso.
Kodung tolu, okonko iso, kodung iso, okonko tolu, ka di
pongitungan dot ulun. Iadino ot horotizan di Muhammad di
pokulau dit ongokristian di retanko Monoteism, nga retanko
varo tolu o kobuatano do Kinoringan. Dot ong otopot, i sokoviai
it ongopanarangan kananganko i Kinoringan it AMA, Anak om
Sundu, nga amu miuma, amu koduzan tokou, amu orusod sid
pongitungan om ginavo di kogozoo om korolomo om
kosongoho om kolonuto do Kinoringan. Iadko i Musa om Elia,
Korud, nga okon, gonit, nga okon, Apui, nga okon, bogizu, nga
okon, bai Barat. dot opian om lomomoi, ka. Iri-ogi boros di
Yesus: I Kinoringan dino osundu (Yahya 4, 24) ko i Paulus sid
2.Korintus 3, 17: I Tuhan, ino-no i Sundu.
Kuran-kuran o vaza do riniba gumamit, humarati di kavazao
do Kinoringan, nga aso tinganan horotizon, gomiton. A-korusod
22
sid keloo, utok, pongitungan tokou. Ong riniba bai engat do varo
tolu o dimensi, ino-no, alaab, asavat, aralom.Topot ong sid
Kinoringan. nakamung-po dot alaid-laid, aso kengkadan. Sabap
ino, sokoviai it vaza manarang bai hovoron, suribanon,
posuntuon, kolu-koluvon, tu iso nga aso nokemot do
Kinoringan. Buatan, nga amu nokonong, person nga amu
nokonong. I sokoviai i panarangan nga amu miuma manarang
dit aso tinganan tarangon.
3. Ong posuntu ko posuriban sid Teknik biano, pengkaa dino: i
karan sid elektrik Varo dynamo di mongimbulai do karan, ong
oturugi. Na it enjin poturug di dynamo. Iri-ogi varo dawai di
porikot di karan sid bulb. Korikot-po, iri-ogi varo kanavahan.
Ong kiroon it enjin dot i Ama,om i Dynamo it Anak, om i karan
i kuasa do Kinoringan ko i Sundu dot Osusi, iri-ogi i dawai,i
boros do Kinoringan-Habal do Kovosihan om i bulb, i tokou di
nokosuput sid Kinoringan gima i Habal do kovosihan sampai
tumorima di kuasa om Sundu do Kinoringan, ino-no i karan. Na
ino karan a-kemot. Varo't ulun di minomudung di dawai,
indoson ko varo luvang om kadapat memot do kuran i karan
rumikot sid bulb. Ino Sundu momuka di ginavo tokou sampai
sumikit tokou om panganavau di vokon. I bulb, aso karan
kondiri, suvai sumokot sid dawai om i dawai nokosokot sid
dynamo om i dynamo oturug dit enjin, iri-ogi i karan momizau
di bulb. Na minsanko iadino manarang, kakali amu-po miuma
humarati, ,tu aso tinganan do mumpalad om kumavid di
Kinoringan iadko pakakas ko barang di kadapat tokou
mongimpuras om mangaharati ko mongohuzas. Ong jaham,
minsanko amu elo mangagama, isai-nopo i kispanner, kadapat
momuka om mongohuzas. Bai it gama mamasang vagu dit
23
ongobahagi, nga amu-po elaan. Topot i Kinoringan okonko sid
di tokou do palad, inoi nga i tokou sid palad do Kinoringan.
I kodolikatan om kosusaan do PCS ong didino: Varo boros
dot ulun, I PCS nga aso Sundu, ka. Varo a-ko piro ot ulun dit
antad sid PCS di banalko humarap sid kosunduvo. Ioti
mumpalad di Sundu, retanko, ong kisundu, atagal do mokisikul
do Kitab, tu i Sundu o manahak di keloo. Varo-po pongoretan
do Karismatik, ka. Nunu-ka kavi ino di mad pogolivong di
tokou? Ko kuran ino? nunu-ka o harati ong Karismatik?
Nokokuro-ka, tu retanko aso Sundu ong PCS.Isai-ka kagi i
retanko Sundu? Isai-ka monodiri do Sundu do Kinoringan om it
ongorogon di mongunang om mangasau? Tu ong Inggeris,
Yunani, Ibrani, Malay, iseso o pongoretan Sundu om rogon om
i-po ginavo dot ulun. Nyawa hidup, nafas hidup, makhluk yang
hidup, ino-no I riniba, inanu antad sid Tana dot osilou om
kopiamung di pinuhobo do Kinoringan.
Ong sid Philosophy do Yunani, ong matai it ulun, i badan
masa, i nafsu (jiwa) kumaa sid surge om i pneuma tumanus.
Topot i Paulus momoros, okonko i jiwa ot ogulian, inoi nga i
guvas,dot i guvas vagu, nga antad sid tana om i Sundu do
Kinoringan, i mongogulian dit ongoulun sampai it ulun jumadi
do vangun vagu. Iti-no o sabap varo boros di Paulus, i guvas
ino-no i Valai di Sundu dot Osusi (1. Kor. 6, 18-19) om
inintoronon do Sundu.
Ino-no o harati, okonko it ulun varo sundu om okonko it ulun
kumavid di Sundu, inoi nga I Sundu do Kinoringan, ino-no i
kuasa do Kinoringan mangahatul om mangagazad dit ulun.
Antawa varo kuasa vokon di momorinta om mongogorot dit
24
ulun, ino-no i rogon di nokorusod sid ulun. Na inot ongorogon
di mad songguyan, okonko bai rogon iadko i Bambarazon ko i
Rusod, ko nunu-nopo i rogon dot oubas laid ong Momogun, inoi
nga varopo rogon do kosumbungo ko i rogon di monongokudau
om i rogon do mokigaral om i rogon do mongorusuk om i
iadino.
Na i Kitab monuduk di tokou do kuran i Sundu do
Kinoringan mangagazad dit ongoulun om rumusod sid
ongoulun. I turu nopod ongosukod di bansa dot Israel, hiza di
kakalpo sid belantara nga sinuvangan di Sundu sampai it
ongovuros dioti osirung iadko i vulan. Ino dino iadko i kavut di
minozo di bansa dot Israel (Bilangan 11, 25). Pengkaa dino i
Yosua di napangkat-no iosido dot iosido gumanti di Musa
(Bilangan 27, 18). I Zabur 51, 15 mindamo i Daud di
Kinoringan supaya atahakan-no i Sundu dot Osusi om osunsubno i pongitungan dit araat sid ginavo, supaya ovougan om osusi
om oborosi iosido.
I Simon sid Yerusalim ot tinudukan di Sundu do sid
panambayangan it anak-po i Yesus. Lukas (2, 25). Hiza di
kinopomodsuan i Yesus, i Sundu minimbulai do iadko burung
asang (Markus 1, 10). Sid saralom di kuasa di Sundu
mengkhotbah i Yesus om manarang do nokorikot i hiza di
kosopulan (Lukas 4, 18-21). I Yesus pentahan sid kinoruhangan
dau dot amu songkuro katalib i kensavatan dau om torimaon-ogi
ioti di kuasa do Kinoringan, ino-no i Sundu dot osusi (U.R. 1,8)
sampai jumadi ioti do sasi di Yesus sid Yerusalim sampai sid
pentongkop do pomogunan. Noboros kagi laid di Yesus di
iadino sid Yahya 14, 16 om 26. Ontok di Pentakosta nokosunu,
ombo nipentahan laid di Yesus: i Sundu minomonu di
25
kinoruhangan di Yesus sampai mangasip ioti om katama sumasi
om mizo sid kosipan om kososizan (U.R. 2)
Asarok manarang i Paulus dit ongopanahak di Sundu (it
ongokarisma). I pongoretan Karisma, nga "i panahak di Sundu"
ko i hal dit okonko it ulun ot elo ko mimbulai, inoi nga
kosunduvo dit kembulai sid gama dot ulun dot okonko iosido o
mangahatu1, gam it ulun nga pakakas di Sundu sid hal dino.
Minsanko i gama mangasip om sumasi, okonko it ulun o
monguasa, inoi nga i Sundu o monuduk om manahak (Mat.
16.17) I Petrus nakaharati dot isai i Yesus, nga I minonuduk
dikau di kinelaan-nu dino, it Ama-ku sid surga.
Kondiri di Paulus okuasaan di Sundu (2. Korintus 12, 1-10),
nga elaan dau i kolonduan do sumumbung, gima okuasaan
iosido di Sundu (2. Kor. 12, 7): i ponuhu di vozoon do rogon o
nipomogos dohon, supaya amu-oku mokisasavat, ka dau, om iriogi, Sid kokuguzo-ku odundungan-oku di kokuasaan di Kristus
(2. Kor. 12, 9). Bai antad sid kuasa di Sundu sumasi it ulun
Kristian dot I YESUS O TUHAN. (1. Kor. 12,3) Bai antad di
kotulungan di Sundu varo harapan di kosipan tokou (Rom 8,1416) om ino Sundu dino popezo dit ongoulun di mangasip sampai
jumadi ioti dot iso o guvas (1. Kor. 12, 13) dot sid saralom di
guvas dino, it ongopanahak di Sundu (Ongokarisma) mitatabang
om mitutulung-tulung di piumpugan (1. Kor. 14, 26). Topot ainsan i Sundu manahak do karisma ponong sid kogozoo om
koburuvako dit ulun di retanko ulun di kisundu (2. Korintus 10,
12-18). Sid 1. Kor. 11-14 anaru o tudukan di Paulus kananganko
i Sundu om I piumpugan sampai manarang dot it ongokarisma
(It Ongopanahak di Sundu) atahakan bahagi dit ensanan i
piumpugan, okonko bahagi i toriso-iso ot ulun om i dau do
26
kogunaan. Sabap ino ikid piumpugan nga piumpugan di
kisundu, tu piumpugan di nanangan di kotulungan do Sundu dot
Osusi om tinorimaan dit ongopanahak do Sundu. I hal do
Karisma okonko hal dot randavi ko spesial, inoi nga hal do
koubasan ong piumpugan do Kristian di sumuhut di kuasa om
hoturan di Sundu, gima mangasip ioti di kotulungan dau.
Ino-no i randavi o karisma, ino-no i Samod (1. Kor. 13), tu
ino samod mongonsi om kosompuruvan di sokoviai it
ongokarisma (Ongopanahak) di Sundu dot Osusi. Ino samod
inono i ralan di banalko atarang (1. Kor. 12, 31: Pilio-no dikou i
panahak (karisma) do Sundu di banalko kiguna. Iti-no i ralan di
samod. (Boros di Paulus sino, i ralan di tumalib di sokoviai I
vokon = randavi o karisma). Iri-ogi i 1. Kor. 13 manarang om
posondot di karisma di SAMOD sid okonko piropiro o
pamarasan om suntuan. Ino-no: ayat 1-3 i nabi om i kikeloo om
i magavi sumamba di kondiri sid Kinoringan, ko i kikosipan do
pavaliu dot ongoburul, topot aso samod, aso guna, ka. 4-7 1
samod alanut, omomos, amu obinghalib, amu atakabul, amu
oburuvak, amu kapamalu dot ulun vokon, amu monongkudau,
amu obinghungot, amu patahu do karaatan,amu ovudsud, gam
toruntudon om tonggungon om osipon om harapon i sokoviai,
topot aso samod, aso guna, ka.
8-10 Bai i samod aso kopupusan. I kosunduvo di nabi,
mengkod, i kumiboros di boros do Sundu, nga mengkod, i
kohorotizan om kopiboros di tudukan di Sundu, nga mengkodi
sampai bai sid kovian varo kembulazan banal dit ongoharati.
Sabap ino, bai i samod om i kosipan om i harapan ot sampai
penlaid o kiguna, dot sid pialatan di tolu dino, i samod ot it
agazo (karisma ko panahak di Sundu).
27
3. Ong sumasi tokou di kosipan dit ulun Kristian, ino-no o
kosipan tokou, i tokou mopud sid kuasa di Sundu dot Osusi. It
iso i Kinoringan di Kitab, nga i Minamangun (Ama) i
minongurug om kakali mongopud di vinangun om i
Minananggung (Anak Yesus Kristus), i manapul di tokou antad
sid karaatan om monuduk di kabanran do Kinoringan, nga sid
saralom di kuasa do Kinoringan i Sundu dot osusi o mangagazad
om mongopud sampai monunda di gorija. Iti-no o kososizan
tokou: I Tuhan, ino-no i Sundu 2. Korintus 3, 17.
4. I pangalaman di Gorija antad di kodori-po.
Sid Katekismus sumasi i Martin Luther dot, Kasip-oku dot
okonko i keloo-ku ko kuasa-ku o pangasip dohon ko potoronong
dohon sid di Yesus Kristus, inoi nga i Sundu dot Osusi o
minongodim dohon sid saralom di Habal do Kovosihan sampai
minanganavau di ginavo-ku om pinosusi om pinatatap di
kosipan-ku, supaya asanganu-oku di Kristus om mokiuriponoku di Kinoringan sid kabanaran om katatapo om kosusian,
iadko i Kristus ot nogulian om apasi om mangahatul sampai
penlaid. Bai itino ot elaan-ku, ka di Luther. Banal-no, iti-no i
suromo di Sundu do Kinoringan. Sid Habal do Kovosihan,
kondiri di Kinoringan kumiboros sid di tokou om manahak di
harapan sid boros dau. Ino boros dino, i Yesus Kristus kondiri
isuhut di boros di Injil 1, 1-18) om i kuasa di mangagazad di
ginavo tokou, supaya tumorima tokou di boros dino do boros do
kapamasi, ino-no i Sundu dot Osusi. (>>Enjin-dynamo-dawai
om bulb)
Pengkaa dino sampai biano varo pangalaman dot ulun
Kristian antad di kuasa di Sundu dot Osusi sampai kopurimon di
kuasa om i barakat di Yesus Kristus di nogulianan di kakali sid
28
tanga tokou (Matius 28, 20) om Matius 18,20).Mangasip ioti om
mangarait ioti di ngaran di Kristus. Tumorima ioti di kotulungan
sid gama di suvab-suvab om monorima kaseh bahagi
dikosunduvo di miabal di nihabal-no Kitab sampai humarap sid
Kinoringan dot iosido o mangagazad om mananggung dioti
sampai pempatai.
5. Atag do mongimpuras tokou di tokou PCS, kananganko i
kuasa di Sundu dot Osusi.Humarap tokou dot i Sundu do
Kinoringan mongimvagu dit ongopiumpugan tokou, it
Ongobelia, Ongokaum Wanita om it ongokabaktian sid
ongovalai dot ulun Kristian. Ong varo't rombongan di mimbulai
sid tanga tokou ko sid koribing do gorija tokou, vokon-no
monuduk i kembulazan dioti do varo-no nakalai sid tanga tokou.
Iti-no o sabap atag do monginsosok di kondiri tokou PCS dot,
a). kakal tokou-ka humarap dot i kuasa di Sundu do Kinoringan
mangahatul om mamasi di tokou, isuhut dit ongobahanda di
Kitab, antawa i tokou bai business-po?
b). banal kakali mimbulai sid tanga tokou i katamanan dit ulun
Kristian, tu nogulianan i Yesus om nokopongimbulai iosido di
vangun om piniizaan vagu, ka, ko mad modop i kosipan di bai
ngaran-po masi?
c). kuran it ongotumpuk om pandita do PCS kakali varo
pangalaman di kosipan tokou sampai katama tokou mongusul
sid piumpugan sampai mokiporisa sid gama midadahava dot
otopot ko amu ino tanda di kosunduvo?
29
d). it ongoulun Kristian, ong varo pangalaman di kosipan dau ko
varo kososizan dau di nokotorima iosido do tanda do kotulungan
di mininta dua iosido, kuran-ka kadapat ioti sumasi di iadino dot
okonko apajal ko ivoguvan sino dino?
e). Kuran-ka, i gama tokou manambayang om sumambayang
kakali momongo sid kohigakan om katamanan dit ulun Kristian
diri di nakaharati dot nemvoguvan ioti sampai nokotorima ioti di
kuasa do Kinoringan antawa bai vaza polombus om momongo
di kotuobasan?
f). Mongoguna tokou di gama mamarakat om i barakat kondiri
sid ponginjilan om penggembalaan,sid teologia om Liturgia,
antawa bai sangkapamarasan ino, tu nakaadat ino sid gama
sumambayang?
g). Kakali tokou i sokoviai i koposizan iadko kasambayangan
sid Kinoringan sid gama mangarazou, mongindazou, mindamo
om popuhondom sid Kinoringan dit ongokosusaan dit ongoulun
vokon? antawa i sokoviai i gama tokou suvab-suvab nga
mangalalau di gama tokou di sid tinoguvangon tokou do
Kinoringan, ino-no i kogangau sid valai, it anganak om i gulou
dioti, i TV di mad rogon di mongunang dit ongkob om i gama
miupakat om mongohondom di Kitab om i kovosihan do
Kinoringan?
h). Nolingan. tokou-naku. dot iadko i kinoruhangan di Yesus
kitugas do pengkod di sakit dot ulun, nga varo tugas tokou
ponong sid korukungo om kokuguzo dot ulun, tu i Yesus kakali
i Tuhan di manahak do koposizan.
30
i) Nunu-ka it agazo o harati sid gorija tokou, sumurut i kogumuo
dit ulun Kristian om piumpugan do bai i kinozuvan do guvas o
kiroon (dot ahatul kagi i kosurutan di PCS sid gama maganak)
om i kogumuo di kobongunan do gorija, ko kuran i tudukan di
Sundu do Kinoringan mananom om posurut di kosipan dit
anganak om osukod, ondu om kusai ponong sid katatapo, isuhut
di kenginan om gazadon di Sundu dot Osusi? Suvai
monginsosok tokou di kondiri dot amu amalu mangarait ombo it
otopot sampai tumoguvang tokou dit ongokalamahan, iri-ogi
kadapat do mongoduat om mongokritisais di vokon.
6. Porisao-no dikou it ongohal sokoviai. Ombo it avantang, inono o kovidan dikou (1. Tes.
5, 21)
Minsanko avantangan tokou dara ong varo rombongan di
humarap sid tudukan om kagazadan di Sundu do Kinoringan do
magavi ioti sumuhut di dau do kohorotizan, varo a-ko piro o
kogolivongo do posusa dit ongoginavo dot ulun Kristian, tu
varo't ongohal dit amu oruhai horotizon. I sokoviai it
ongopanahak do Kinoringan ong sid palad dot ulun, tigogi
kadapat do jumadi do kosoduvon om kotongkihalan. Iti-no o
sabap kakali kiharati i sadangan di Paulus do momorisa di
sokoviai sampai momeda dit ongosundu om ongorogon. Gam
ino gama momeda om mongintutun dit ongokuasa, nga karisma
(panahak di Sundu) sid toriso-iso't ulun sid piumpugan ponong
sid kengkakatan do piumpugan (1. Kor. 12, 7+10). Ino panahak
dino ponong sid kosurutan om kogunaan di sokoviai, ka di
Paulus. Pengkaa dino i Yahya monuhu (1. Yahya 4, 1) dot,
Impolonuvai-no dikou it ongosundu dot antad-ko sid Kinoringan
ko okon.ka dau. Sabap ino, suvai mongontupat tokou
31
kananganko it kotulungan di Sundu dot Osusi dot ino dino
isuhut di katarangan di Kitab ko varo kagavul do bai rinibai:
a) it atag o gama, mindamo di Sundu do Kinoringan, isuhut di
kenginan do Kinoringan manahak humambil ko rumanggal sid
gama mongogorot do Kinoringan, tu ozi-no vagu dit kogumuai
dit ongokosunduvo sampai momuruvak it ulun, gima nakadapat
iosido ko misingkavaro do varo sid dau, tu kuran-kuran, okonko
it ulun manansanganu ko mumpalad di
Sundu do Kinoringan.
b) ong varo gama do pensavat di bai iso o hal, retanko iti-no i
randavi do kosipan, iadko i boros dit osundu, i gama pengkod
om polingos do sakit, mamahanda om mongintalang iadko nabi,
do tanda dot bai iti-no o kosipan dit atantu.
c) ong oholian monginjil do iadko nokorikot laid sid surga
sampai amu mongitung-po do kakali sid tanga do riniba di varo
kosusaan, pensubaan om i sangkap di Kristus, indoson ko
manarang dot ino kavi otoliban om atanusi, tu sid kangkab di
Kristus, ka om sid hoturan di Sundu, ka.
d) ong i rombongan jumadi do rombongan di kiansal di bai
mongopud di kondiri sampai olingan do suvai nakamung sid
gorija di Kristus di sompomogunan om nokopezo banal di
Kristus, okonko ong bai sid rombongan di tumulai om
tumohiang do tomod mongimbulai om mongingkakat do
piumpugan vagu di tanid mantadko i gorija.
e) ong varo gama mumpalad om momorinta di Sundu do
Kinoringan sampai mamakai di kuasa di dang riniba sid gama
32
mangahatul om monguasa sampai mogihim do pogumu di dau
dot ulun sampai manarik dit ongoulun sid gama mamalid,
tazonko sumurut di dau do rombongan.
7. A-kavasa do popitongkizad di panahak do Sundu (Karisma)
antad sid Sundu di manahaki.It ongopanahak a-kadapat
potongkizad antad sid di Yesus Kristus, i Tuhan di gorija, di
minsanko nogulian-no iosido, nga kakali i Tuhan di nisangkapno. Amu atag dot it ongopanahak di Sundu o monokop ko
monunsub dit ongokouvaan di Sundu (Galatia 5, 22-23), tu
suvai kiuva do iadino om otopot ko Kristian it ulun, okonko sid
sangkapamarasan do kosunduvo. Sabap ino atag do mongoduat
it ongoulun di tihaba ko tisuhut dit ongopanarangan do
Karismatik dot a-ko piro o duaton, ino-no:
a) Banal-no i kenginan do Kinoringan dot, Sokoviai it ongoulun
osopulan sampai ohorotizan om kemumui sid katapatan (1. Tim
2, 4) . Rontob-no, aso tinganan do mongumba ko mongumpai di
kosopulan dit ulun ko mongimbulai di kosipan ko mangama di
koimvoguan dot ulun om piumpugan. Ong otopot, duvo o hal di
mad otuvarig o boros, ino-no, Boros di Yesus, Asot iso kadapat
rumikot sid dohon, ong okonko i Ama i minonuhu dohon o
manarik di ginavo dau (Yahya 6, 44) om iri-ogi sid suriban di
tagad om it ulun di monizas do gandum atalahas dot okonko i
sokoviai it ongolinsou sumuni om monguva (Markus 4,1-9 om
13-20)
b) Atag do monorima kaseh sid Kinoringan, ong varo
kosunduvo sid tanga tokou, nga kakali osusa mongontupat,
supaya amu tokou mongogorot mokimot dit ongotanda do
kosunduvo iadko it ongoparisi diri. Kondiri di Yesus
33
ipongontupat di tokou: Bang aso't emot dikou dot ongotanda om
ongogama dot osundu, aso kosipan dikou (Yahya 4,48) Pengkaa
dino osusa okou mongontupat, supaya aso kiroon tokou do bai
kikosunduvo o tanda do kikuasa i gama mengkhotbah, ko suvai
varo kosunduvo ong atag-ogi i gama monginjil.
c) Sid gama pengkakat om posurut di piumpugan, a-milo-milo
varo hoturan di Sundu do Kinoringan dit aso tinganan toliban.
Boros di Yesus, Tanid mangasok om tanid i mongomot.
Minonuhu-oku dikou, tu ipoomot-ku dikou it okonko dikou do
niasok. Tanid ot ulun. O minangagama om ikou-no o posurut di
gamaon dioti, ka di Yesus (Yahya 4,37-38). Om i Paulus
pamung dot, I Mananom ko i monuntug aso't asavat. Rontob i
Kinoringan i posuni. Ong i mananom om i monuntug dino, nga
miradi. (1. Kor. 3,7-8)
8. I gorija a-kemot do kotulukan.
Vokon ong kodung varo't ohorotizan di kuasa di Sundu dot
Osusi om it ongopanahak di Sundu, tigogi varo iso't ulun di
tumulai sid pialatan do piumpugan om gorija di manarik dit
ongoulun vokon sid dau do rombongan, retanko suvai isuhut di
dau do hoturan om atag-ogi.Manjadi ino rombongan dino
tumanid mantadko i gorija. Iti sabap osusa tokou vagu do
humarati dot nunu om isai i Gorija di Yesus Kristus. Okon-ka i
samod ponong sid di Yesus Kristus, ino-no it ulu do gorija, nga
suvai opud ong ajadi do samod ponong sid gorija, tu i gorija nga
guvas di Kristus (1. Kor. 12, 12-30). Ong iadino, okonko-ka
atag do momurimon di korukungo do gorija, nga tumabang do
mangatag dara, ombo it amu atag i vaza tumongkizad sid gorija
dino? I rasu1 minonurat dot, Tumatap tokou-no sid saralom di
gama sumasi di harapan tokou dot amu mipiduvo i ginavo,
34
sabap i minangajanji dino, nga atatapi. Sampai tokau-no miingut
songkoruhang do pembulai di samod om i gama dot avantang.
Kadan tokou tumolikud sid piumpugan tokou do iadko i
koubasan dit a-ko piro it ongoulun, inoi nga miinsamod-samod
tokou-no. Kagi makin atalahas sid dikou do minsomok-no it
adau di Tuhan, makin-po do pagavi-kou-no sid saralom di gama
do iadino. (Ibrani 10, 23-25)
9. It ongotanda do Korositian banal it ulun.
It ongoaki di Reformasi nakaharati do songkuro-po koledo
dot i gorija sid tanga do riniba, varo pensubaan om varo
korukungo. Na varo tolu o tanda di katapatan do Kristian, inono: Minta dua, mamasa om mongohondom om mangaharati di
Kitab om i pensubaan; (Oratio, meditatio, tentatio). I kosipan akadapat monukat sid kobuatano om kembulazan do tanda do
kosunduvo ko sid ongorumbul dit ongoulun di nokemumui.
Boros di Yesus, Osinang it ulun dit amu-po-ma nokemot, nga
kasipi. (Yahya 20, 29) It ulun Kristian okonko atandas osinang
om otomon, varo kosusaan, korukungan, kovitilan do ginavo.
Amu miuma do miaamungamung sid ongopiumpugn di siombonopo di varo-nopo ongokosunduvo. Ong a-kopitiim do
pensubaan, mad amu-po mansak ko osukod o Kristian.
I kosipan sid di Kristus ot rumbul satu ginama om panahak di
Sundu dot Osusi. Ong kembulai i kosipan di iadino, sinono o
keloo di katapatan (1. Tim. 2, 4). Ino kosipan sumasi om
mangakun dot, i Yesus Kristus o minomebas dohon, dit ulunoku di natagak om nolupu-no, supaya asanganu-oku di Kristus.
Bai iti-no o kiguna, aso vokon. Aso karisma tumalib diti om aso
pangalaman do kosunduvo di lobi-po kiguna. Ino origi do
kosipan atahan, minsanko natanus-no it pangalaman dit osundu
35
om aso kosunduvo di mimbulai vagu. Iti-no o sabap, amu atag
do mogihim di hal di tumalib di kalabao di Sundu om i karisma
om i keloo. Boros di Paulus: Biano ngaran-ogi ko kotutun.
Topot orikot-no i hiza dino, kotutun-oku-no iadko kotutun i
Kinoringan dohon. (1. Kor. 13, 12).
I rasul amu engkod mongimuhun dit ongopiumpugan do
mongontupat om mongimpuras dit ombo ot atag. I pangalaman
dit iso't ulun a-kadapat sumaap ko mangaladtak di pangalaman
di Kitab ko jumadi do ponukat bahagi i gama mamasa di Kitab.
Boros di Yesus: Momorisakou dit ongokitab, tu sino-no o
pongonuvan do koposizan penlaid om inot ongokitab dino o
sumasi dohon. (Yahya 5, 39). Om boros di Paulus: I gama
mangasip antad sid gama mangahabal (mengkhotbah) om i
gama mangahabal antad sid boros di Kristus, (Rom 10, 17) 10.
Ombo it avantang, ino-no o kovidan dikou. Isuhut dikou it
ongokosipan dit ongogulu-gulu om kumavid dikou i Boros do
Kinoringan di nokosurat sid Kitab iadko puun om lugu di
kosipan tokou; om sokoviai i gama dikou poturug om posurut di
piumpugan om gorija , suvai ponong sid gama potorontog di
gorija. Aso vokon.Boros dit ongoaki do Reformasi, I Kitab dot
Osusi, inono i tampat do kopisomungan tokou di Sundu do
Kinoringan. Sinod Kitab momoros i Sundu dot Osusi. I sokoviai
i miuma bahagi di kosopulan dot ulun, nga natahu-no sid Kitab
dit ongonabi om ongorasul. Sabap ino, i Kitab dot Osusi, ino-no
it khotbah di Sundu dot Osusi dit otopot om abanal.
11. I tokou nga mindamo dot i Sundu do Kinoringan
mongimvagu dit ongopiumpugan do PCS om it ensanan i PCS,
iadko i gama laid di Sundu dot Osusi mongimvagu di gorija hiza
di Reformasi om it ongohiza vokon sid Usuran do Gorija
36
sompomogunan. Iti-no sabap atag dot ensanan it ongopiumugan
om it ipat-ipat it ulun Kristian nga minta dua om mindamo dot i
Kinoringan om i Sundu dau mongimvagu di tokou, sid pribadi,
sid ensanan i piumpugan om gorija dot i tokou kondiri sumasi
do kuran i Kristus o minongimvagu di koposizan-ku om kuran
iosido o Tuhan di sompomogunan.
12. Okonko bai ontok di pesta Pentakosta mindamo tokou dot, O
Sundu dot Osusi, siti-ko-no om mongimvagu di tokou, ka,
sampai mongohondom tokou di katamanan dit antad sid Sundu
do Kinoringan. Inoi nga,
a) adau-adau atag do mongohondom om otomon tokou dit engat
tokou dot i tokou nopodsuno sid ngaran di Kinoringan it Ama,
Anak om Sundu dot Osusi. Ino Kinoringan o minangakun om
minangajanji sid di tokou dot: Iosido o Kinoringan di
kikovosihan om kikobinsianan. Manjadi isai-nopo i mokipodsu
vagu o pada di harapan sid janji do Kinoringan. Sabap ong I
Kinoringan atatap sid janji dau. Nokokuro-ka, tu i tokou
mangalalau om pokihi di janji di kopomodsuan?
b) Sid gama sumambayang om ongokabaktian sid ongovalai
humarati tokou do sid toguvangon do Kinoringan i tokou. Sinod
dino i Kinoringan manahak di boros dau om manahak di Sundu
dau om mongimbulai dit ongopanahak di Sundu sampai
mamarakat di tokou om i gama di tokou. Sabap ino, ipat-ipat i
gama sumambayang nga tampat di kapanahakan do barakat do
Kinoringan.
c) Kiotomon tokou sid poginakanan di Tuhan Yesus, tu sid pesta
dino kondiri di Tuhan Yesus
37
pelang di tokou sid guvas om kapagasan dau di minonori iosido
dit ongokuasa do kotuvangan. Ino tanda dino, nga kopomihatan
di kosipan om kopomodsuan.
d) Agazo o ginavo dit engat do varo ogumu ongogorija om
ongopiumpugan vokon di miabal miuumpug minta dua,
mongindazou do Kinoringan om sumasi sid tanga do
sompomogunan di kuasa di Sundu dot Osusi di mangagazad dit
ongoulun Kristian sid dau om dau do tugas sid tanga do razat
om ponong sid kopioondusan dit ongobansa om
ongopomogunan. Sid piniizaan dino mitatabang it ongoulun
Kristian om it ongogorija posurut di kenginan om kabanaran do
Kinoringan ponong sid kosuruto dit ipat ipat it ulun Kristian om
i kemvoguvan di gorija sompomogunan.
e) Atag dot amu olingan tokou dot i Sundu dot Osusi engin
mangagazad di tokou sid kobuatano om gama tokou suvabsuvab sid ongkob, ponong sid sombol om sid piumpugan,
supaya i nunu-nopo i pongitungan, boroson, gamaon,
kopurimanan om kouagan, nga otunda di Sundu dot Osusi (Rom
12). Antad di gama di iadino sumurut it ongouva di Sundu dot
Osusi (Galatia 5, 22-23) dot inot uva dino mogihim i Tuhan om
inot ongouva dino kiguna ponong sid ongoulun vokon.
Iti-no o sabap atag do mongontupat tokou di ralan om
panahon di nituduk di Kinoringan bahagi di rikoton om
panangan tokou gorija PCS. Suvai monginud om tumorima do
pangalaman vagu antad sid tudukan di Kitab dot Osusi, tu amu
engin tokou do posusa di Sundu do Kinoringan (Efesus 4, 30):
Kadan-no dikou pohungoton i Sundu dot Osusi, it inanu dikou
antad sid Kinoringan, tu i kolobusan dikou notumbokan-no di
38
sap do Sundu. Suvai momuruvak tokou ko mokisusumbung
tokou ko mokitalib di vokon om antad sid kokodoho do ginavo
o gama tokou posusa tokou di Sundu dit amu tumorima tokou
do varo koporisaan di kosipan tokou.Ino-no i kosusaan di gorija,
ino guvas di Kristus ong biano, ino-no nabahagai-hagi-no. Suvai
i Sundu o monuduk di tokou om varo-ogi piniizaan sid guvas di
Kristus om sid bansa do Kinoringan om kaharati tokou do suvai
miuma om kopiamung om kopitabang tokou do mongopud om
mizo sid gorija di Kristus. Iti-no o sabap mindamo-oku dikou,
supaya mivozovozo tokou sumasi di Habal do Kovosihan om i
samod om kabanaran do Kinoringan sid tanga do riniba, sitid
Sabah, supaya ogumu-po't ulun kotutun dot isai i Yesus Kristus,
i nisangkap-no om i nogulianan sampai rumikot vagu iosido do
monuluk di karajaan om hoturan do Kinoringan. Kakali i Sundu
dot Osusi engin mamakai di tokou do pakakas di Habal do
Kovosihan om i kosopulan do riniba.
39
I HAL DO PERSEMBAAN: RUKUT OM PERPULUHAH
SID KITAB OM SID PCS
1. It usuran sid Kitab Laid kananganko i persembaan om
perpuluhan sid Kinotimpunan 4,3, varo-no laid gama do riniba
mongitung do mongohormat do Kinoringan sid gama monorima
kaseh bahagi dit ula om hasil do gama. Na i Habil, tu manaud do
pangazam o ponsohorian dau, pangazam o pa-sambaon dau.
Ong i Kain, tu mukabun iosido, kouvaan di kabun dau ot isamba
dau do kopongohormatan do Kinoringan o tomodon. Iadino
vagu i Noa, ong kodung nakalabus antad sid alud, mongohormat
do Kinoringan sid gama mangagaras do dupot omposorob. I
Ibrahim, iadino. Kagi i Ibrahim ong kodung pasamba do dupot,
mangarait om sumasi di ngaran do Kinoringan KT 12, 4 om
vokon. Na hiza di sid belantara i bansa dot Israel, i Musa
minangahatul di panambayangan di mad kema ot gama, supaya
oruhai rangkaton di siombo-nopo o kolombusan dioti diri.
Iosido minongonsug dit ongoulun dot Israel do manahak bahagi
di kosukupan di kema dino om bahagi di kosurutan di
panambayangan. Aso boros dau do monuhu manahak, inoi nga
boros dau, suvai antad sid ginavo manahak ponong sid
kengkakatan di panambayangan dino. Ino mad rukut o gama di
bai rukut insani.
Na varo-po nokosurat sid Taurat, ino-no sid ongobuuk
Kolobusan, Imamat om Bilangan i kogumuai o hoturan
kananganko i tasantanid tanid o vaza mangagaras om pasamba
do dupot, ino-no, Persembaan do sorobon, persembaan do
kouvaan, persembaan do monorima kaseh, persembaan bahagi
di kadaan do sala, persembaan dot inumon (anggul), tu
ipongohormat dit ongopesta do Paska (Pentakosta -ontok do
40
tumimpuun mongotu) om i kamatan. Topot sid Amos 5,25,
Mikha 6, 6-8, Hosea 6,6 om Zabur 40, 7 om 51, 18-19 varo
panarangan dot i hiza di sid belantara diri, aso-po hoturan om
gama manahak do persembaan sid vaza mangagaras dot
ongodupot.
Na sid Kolobusan 30 varo boros dot ipat-ipat it osukod di
bansa dot Israel, ong kodung duvo nopod toun ot umul, nga
mamarai do tanga Ringgit dot ipat-ipat toun (monikid) bahagi di
Pusat. Ino dino mad sukoi. Iri-ogi sid Ulangan 26, 12-15
ohoturanon-po i perpulohan, ino-no, monikid tolu toun orikot i
toun di perpulohan. Antad sid ula do tana, kabun om tagad ko
antad it ongopangazam it ulun Israel manahak do perpulohan, tu
tanda do monorima kaseh sid Kinoringan bahagi dit ula dau. I
rikoton om panangan di perpulohan, ino-no it imam, it usanusan om bituanon sampai it ongoombuvoi di mosikim. Kondiri
dit ulun momili dot sid isai o rikoton di dau do perpulohan.
Topot, insanpo dino, i nabi Amos, Hosea om Mikha sampai i
Zabur mongohodtol dot aso guna i gama mangagaras om
pasamba do dupot, ong inalazan it lobipo avagat om kiguna. Tu
i gama pasamba do dupot amu kapangaganti di kosipan om
kosuhutan di kenginan do Kinoringan. Bai iadino i kososizan di
vaza manahak do persembaan sid Kinoringan ong sid Kitab laid.
II. Sid Kitab Vagu mamasa tokou do kuran i Yesus mongitung
kananganko i gama manahak do persembaan.
1. Markus 12, 41-44 manarang i Yesus dot okonko i kogumuo
do siin it katahak o kiroon, inoi nga i ginavo dit ulun di manahak
do persembaan. Iti-no o sabap avantangan di Yesus i gama di
41
bituanon di banalko mosikim di minanahak do baiko duvo nalad
o siin di sompi intanga o horogo. Sid Sabah asot iso siin dit
opodok di iadino, om aso barang di kadagang do bai intanga o
siin o horogo. Sabap ino, kokiraai, mad sompi limo siin o
horogo di siin dit ondu diri baiko miuma do dumagang dot
songnalad do ruti ko iso ko duvo o punti. Okudik banal o horgo,
mad amu miuma, ong bai iadino ogumu it akanon dit ondu diri
sid saralom dot
sangadau.
Ong it ulun vokon di nemot di Yesus manahak do
persembaan, nga ulun do lumundu omkikosukupan. Varo dati di
minanahak do hinapadan ko hinotusan do ringgit, kagi i gama
manahak, nga emot dot ulun, tu okonko osusut o gama dioti
manahak. Na kakali kiroon di Yesus dot amu miuma i gama
dioti manahak, isuhut di gama dit ondu manahak, tu baiko i laba
do koringgitan minanahaki ioti dino antad sid kohuntungan do
somminggu ko songvulan. Topot ong it ondu, kodung nakatahak
i persembaan dino, minsan i kakanan dit adau dino, akadapat
iosido dumagang. Tu navi-no dau patahak.
2. Na sid Matius 21, 12-13; Markus 11, 15-19; Lukas 19, 45-48
om Yahya 2,13-22 minonusi i Yesus di panambayangan i hiza
diri, tu i natad di panambayangan miabal do pasar ko badi. I hiza
diri, isai-nopo i rumikot sid panambayangan, osusa laid do
monukal do barang om siin, supaya varo persembaan dau isuhut
di hoturan diri pasamba sid Kinoringan. Vokon it ulun dit antad
sid sodu, varo novit dau i siin di dau do pomogunan dit osusa
monukal sid siin do Yerusalim om iri-ogi dumagang do
pangazam bahagi mangagaras om pasamba sid Panambayangan.
Vokon-no it ulun antad sid ongokampong dit osomok sid
42
Yerusalim, minongojuval dot ongopangazam sid ongoulun di
mamajak midagang, supaya varo siin dioti mamarai di
perpuluhan dau. Kagi, antad sid gama midagang sid natad do
panambayangan, varo agazo o kohuntungan dit ongoimam om i
panambayangan. Vokon-nopo varo koponipuan dot it iso
pangazam, okonko impiro-piro ijuval om retanko isamba, dot
otopot, iri-no ko iri i dupot dino alaku om ilombus-ogi sid imam
nga amu agarasi, tu niuli-no vagu sid ulun midagang, supaya
ulun vokon dumagang om pengrikot sid imam. Topot it ulun di
dinumagang, indoson dau do kodung nakatahak i dupot sid
imam, agaras sampai isamba isuhut di hoturan pasamba sid
Kinoringan, ong kodung varo tomodon ko sabap do sumamba,
nakalandai it anak, ko varo sala ko varo hal vokon dit atag do
pasamba do pangazam.
Kagi varo-no laid hoturan dot i perpuluhan okonko bai antad
ula mamarai, inoi nga siin o kadapat mongontok dit ula sid
kabun, iri-ogi it ongoulun minongojuval dit ongoula sid dau do
kampong do bai i siin mangatod sid panambayangan. Iti-no o
sabap hiza di Yesus varo it a-ko piro o tuung, pongizanan do
siin bahagi dit ongopanangan di perpuluhan: inono, bahagi di
panambayangan, i balanja dit ongoimam, it ongousan-usan, it
ongobituanon, it ulun lumohing dit mosikim, it ongoombuvoi ko
i kisakit. Ikid tuung, ataud dot imam, om it ongoulun
pinosuvang di perpuluhan, isuhut di dau do kenginan.
3. Antad i boros di Yesus minonguji om minongimpuras di
kobuatano dit Ongofarisi (Matius 23, 23- 24 om Lukas 18, 9-14)
kananganko i vaza dioti mangahatul di perpuluhan, ohorotizan
tokou dot amu avantangan i Yesus di hoturan dioti diri manahak
do perpuluhan. Tu, mad bai adat o nagama diri sampai minsanko
43
it ongopangavau ot mongiro dioti, do kakali varo gama monipu
om mongolim. Okonko ino ot agazo o guna, ka di Yesus, inoi
nga i kabanaran, I kosianan om i kosipan, ka. Suvaiko toduvoduvo ot toudon om suhuton om atag-ogi, nga kakali okonko
otimbang ino duvo o hal. Mad togonok opodok it iso om iadko
unta agazo i koduvo. Mongudamus it ongofarisi dit
ongobitunaon, iri-ogi manahak do perpuluhan antad sid
kohuntungan Sid ongobituanon inanu-no i bahagi di gama
mamalanja dit ongobituanon (Markus 12, 38-40). Iri-ogi sid
Lukas 18, 9-14 momuruvak it ulun do Farisi do kuran iosido
amu abasan manahak do perpuluhan do monuluk kavi i hoturan.
Okonko iadko it ulun sino di bai karani do sukoi. Osukup o
gama-ku minta dua om momuasa, ka dau. Na aso kovosihan di
Yesus ponong sid ulun dino om i dau do gama. Gam it ulun di
karani do sukoi, nembanaran di Yesus.
4. Ong mongombiri tokou dit ongokovosihan dit ongorasul,
songlinsou do boros nga aso kemot tokou sid ongorasul
kananganko i perpuluhan di mad adat di polombus ioti sid gama
mangahatul dit ongopiumpugan dot ulun Kristian. Banal-no,
varo hoturan do mongumpug do balanja bahagi dit ongoulion do
piumpugan om gorija, tu, ka di Paulus, apatut dot i monginjil
abalanjaan di Habal do Kovosihan (1.Kor.9, 3-12) om 1. Tim 5,
17-19): Amu atag do manabaung di munung di karabau di
mongulok do parai, ka. Rontob-no-po, ong i Paulus kondiri amu
minamakai di kuasa do mopud iosido antad sid gama pazazad di
Habal do Kovosihan. Tu amu engin iosido do mongimvagat di
piumpugan di banalko mosikim (1.Kor.9, 12-18) Siombosiombo, i vaza mongumpug it ongopiumpugan diri dot
ongobalanja, nga aso't iso panarangan sid sokoviai it ongosurat
di Kitab Vagu.
44
5. Sid UR varo kembulai do kuran i piumpugan sid Yerusalim
minamalanja dit kosukupan bahagi dit ongomosikim di sid tanga
dioti, it ulun do lumohing antad sid ongopomogunan vokon di
nakarangkat sid Yerusalim hiza do lumohing ioti, tu kenginan
dioti, matai sid Yerusalim, okonko sid pomogunan dit amu
mongohormat do Kinoringan. Vokon-no i nokorikot ioti sid
Yerusalim, kakali minisavo, iri-ogi bai it ondu-po o sino do
bituanon iosido dot aso balanja do koposizon dau. I hiza diri,
ogumu ot ongoulun do Yahudi di nakasasat sid
ongopomogunan, songkonoruvo di sukud dioti, nga sori. Suvai
lumohing om minongojuval di tana, kabun, valai dioti, tu ino
dino balanja di pempatai sid Yerusalim, ka di ginavo dioti. Iriogi
rinumangkat sid Yerusalim. Rontob-nopo, a-nokiro dioti dot
amu omura mintoron sid Yerusalim, okurang it ongovalai, suvai
asavat o siwa om it ongokakanan, nga pengkaa dino. Ogumu it
ulun sino om okurang it ongokakanan antad sid ongokampong.
Sabap ino, oduruk mavi it ongobalanja dit inovit antad sid
pomogunan dau laid. Iri-ogi minokitahak ioti om i piumpugan
dot ulun Kristian osusa do monukup dioti. Sabap ino, ulun di
pasok Yerusalim om osomok sid Yerusalim di nakamung sid
piumpugan dot ulun Kristian, minongojuval dit ongotana dioti,
tu miniizo-no ioti manambarang dit ongobarang dioti (UR 2, 4445): Sokoviai it ongoulun di nakasip-no dino, miniizo-no ioti
manambarang dit ongobarang dioti, sampai pinojuval-no dit
ongobarang om bohogizo-ogi i horogo sid sokoviai it ongoulun
dit aso balanja.
Rontob-nopo, alaid om avi it ongotana om it ongobarang do
kakali agazo o tugas di piumpugan sid Yerusalem mananggung
dit ongosinumako (riumikot) sid dioti, ulun di lumohing dit
engin matai sid Yerusalim. Iti no o sabap, it Exco dit Ongorasul
45
sid Yerusalim- -minsanko aso laporan di Lukas Sid UR 15-,
miniupakat om minongimuhun dit ongopiumpugan dot ulun
Kristian sid ongopomogunan vokon it antad sid labus, do
mongohondom-kou dit ongoulun mosikim sid Yerusalim. Gal.
2, 10 Boros di Paulus: Rontob-nopo, nipohondom-no dioti
ongorasul sid Yerusalim it ongoulun do mosikim. Manjadi ino
iadino, aparu-oku-no posurut sampai biano, ka di Paulus.
6. I rukut bahagi dit Ongomosikim sid Yerusalim, nitarang di
Paulus sid (1.Kor. 16, 14 om 2.Kor. 8, 115). Minsanko varo
boros di Paulus dot nahatul-no laid i rukut bahagi Yerusalim sid
Galatia, ong sid surat dau pakaa sid Galatia, iso linsou o boros
nga aso kananganko i rukut dino. A-kembulai i hoturan dau sid
Galatia.
Ino-no i kovosihan di Paulus kananganko i rukut dino:
monikid minggu, ipat-ipat it ongkob manahu do siin, isuhut di
kotibango dau, do suvai korikot i Paulus om oumpug i
piumpugan. Iri-ogi i piumpugan mangahatul dot isai o harapan
do mangatod di rukut dino sid Yerusalim. Minsanko i Paulus
kondiri mozo, ong varo kenginan dioti dot i Paulus mamung
mangatod di rukut, ka sino. Na sid 2. Kor. 8-9 atalahas dot
okonko bai sid Korintus varo hoturan do rukut, inoi nga sid
Makedonia, it a-kopiro ot ongopiumpugan sino, nga
mongorukut it ongoulun, gam ahatul o gama dioti, minsanko
mosikim ioti kondiri (2.Kor.8, 1-5) I gama dioti manahak,
tumalib di harapan di Paulus, tu: navi-no i ginavo dioti manahak
om gumorot do kumimamaa mongorukut di piumpugan do
Yerusalim, ka di Paulus. Na sid Korintus, minsanko nahatul-no
laid (1.Kor.16, 1-5) mad amu-po osunuan, ko amu-po nompus o
gama. Iti-no o sabap do porikoton di Paulus i Titus, supaya i
46
Titus mangahatul di gama mongorukut sid Korintus (6- 7).Topot
amu monuhu i Paulus, gam: pakazo-no dikou i samod sid gama
mongorukut. Bai monuturan-oku sid dikou di koporuo dot ulun
vokon mongorukut, supaya atarik-kou pembulai dit uva di
samod dikou (8).
I gama di Paulus mongonsug dioti, varo a-ko piro o suntuan om
panarangan, ino-no:
a) I Yesus lumundu sid Kinoringan nga sinumikim iosido, tu
polundu di tokou sid kosikiman
dau.
b) Polombus-no dikou i gama dikou mongorukut, ombo i
katama dikou manahak, ombo i
varo, okonko it aso.
c) Tomodon, misusuli-suli monulung, tu sera dot ikou nga
asampit, varo kotulungan antad sid ongopiumgan vokon. I
piniizaan dot ulun Kristian amu engat do rontob sid gama
moulung ommokitulung.
d) I Titus tukang rukut, pinangkat dit ongopiumpugan (8,18-19).
I Paulus amu engin dot bai iosido o kumavid di rukut, rumosi
iosido dot amu aharapan iosido dot ulun (20-22).
e) I kogunaan do rukut, atalahas-po laid, ino-no mamalanja dit
ongolumohing sid Yerusalim
f) I Paulus mongonsug dit ongopiumpugan magavi manahak. I
Paulus gam momuruvak: Sid Ongopiumpugan sid Makedonia,
47
retanko aparu ioti sid Korintus. Topot ong varo magandaha,
kaluto ong amu otopot ioti dot ogumu o noumpug sid Korintus
(9, 1-5): I rukut nga tanda di kogozoo do ginavo sid Kinoringan,
dit amu agaratan manahak.
g) Suntuan: i manahak do kogumuo do rukut iadko i mananom
ko mangasok dot asaang o palad mangasok. Iri-ogi asaang o
palad mongomot, tu oula banal. Ong asaang o palad
mongorukut, asang o palad abarakatan do Kinoringan.
I gama manahak do rukut, baiko vazaan monorima kaseh
bahagi di sokoviai i nokotorima tokou do samod, kovosihan,
koposizan om barakat do Kinoringan. I rukut okonko baiko
posukup dit ongomosikim sid Yerusalim, inoi nga tanda dot
ipongindazou do Kinoringan.Monorima kaseh di Kinorikatan di
Habal do Kovosihan (9, 13). Iti-no o vaza do mongoguna ombo
it otorima antad sid palad do Kinoringan.
7. Sid 1. Petrus 2,5 varo boros di Petrus dot, I piumpugan
kondiri o persambaan dit osusi sid Kinoringan (guvas om
ginavo) om Rom 12,1-2: boros di Paulus dot, Patahako-no i
guvas dikou do persambaan di mizau om osusi om ikozi do
Kinoringan. Iti-no it atarang o padsamba dikou, ino-no i vaza
sumuhut di kenginan do Kinoringan antad mongimvagu-kou-no
di ginavo dikou, ka di Paulus.
III. I persembahan sid usuran do Gorija sompomogunan.
Atalahas antad di kinotimpuunan do Gorija di Kristus, dot
okonko i pusat sid Yerusalim i minamalanja dit ongopiumpugan
di mingkakat-ogi, gam it ongopiumpugan vagu minamalanja dit
ongokosusaan di piumpugan sid Yerusalim. Banal-no, i
48
kogumui dit ongopiumpugan sid ongopomogunan vokon amu
miabal mosikim do Yerusalim, gam ogumu tampat do varo
ekonomi dot avantang, varo kogojian, minsanko mosikim it
ongoulun Kristian, nga kadapat ioti dot a-ko piro o gaji sid
pangkalan om sid ongokadai. Sid Korintus, ogumu it ulun
Kristian diri, nga kuli sid pangkalan. Ong sid Yerusalim
okurang kadapat mansahari. I harati, antad di kinengkakatan dit
ongogorija ipat-ipat piumpugan minamalanja di dau do
kosukupan, miniirung, miganti-ganti miumpug sid ongovalai, tu
aso-po ongovalai do panambayangan (vokon-no ong osusut o
gama miumpug, tu ogusa om otoro do porinta). Ong varo
korikot i rasul ko i mengkhotbah, i piumpugan minamalanja di
rasul om vokon, hiza di sid dioti ot intoronon om gamaon di
rasul om varo-po kokorui dit iovit lumombus sid piumpugan
vokon.
Suvaiko ugama rasmi i Kosipan dot ulun Kristian sid karajaan
do Rom (311 TM) om adapat ogi pengkakat do panambayangan
om mamangkat dot ongoulion dit aso gama vokon tanid
mantadko manaud do piumpugan. Iri-ogi ioti minongitung di
balanja bahagi di valai om balanja di pandita dioti. Alaid-nopo,
pogozon-no it ongopanambayanga ko pongimvantang-po, nga
varo bontuan-po antad sid porinta di nokokristian, dot i
pongonuvan di raja, inono sid sukoi dit antad sid razat di
nokokristian.
Varo hinoturan dot ongorukut bahagi di mosikim, i sumakit, i
valai do rumah sakit, dot alaidpo, varo-po rukut bahagi di
pengkakatan dot agazo o gorija sid Rom. Ikid ulun Kristian di
nokosuvang sid hoturan do Rom osusa manahak dot iso o cent.
(i siin di Petrus, ka) Varo-po gama dit oholian dot amu konong
49
mansahari i gorija Rom, iadko i pandita Tetzel, hiza di Martin
Luther. Om iti kagi o sabap di kinotimpuunan do gama
potorontog vagu di gorija (Reformasi). Sabap oholian i gama dit
gorija do momogos dit ongokristian sid ongokampong do
mongogorot manahak do balanja bahagi di gorija. Vokon o
tomodon: dumagang do paku i retanko antad sid sangkap di
Yesus, ko kumut di retanko santud di Yesus om i iadino (tomod
mokihuhuntung it a-ko piro it ongoulion do gorija diri). Ong
kodung abasan it ulun sumuhut di hoturan do iadino, varo-po
kosurutan do karaatan, tu mongindoronok, retanko i sokoviai it
ongoulun, a-milo-milo lumombus sid naraka, sid apui dit aso
kopisakan, ong kodung matai, ka. Suvai kaalai inot apui dino
ong mamarai do siin bahagi di gama do gorija, iadko i
pangagama do gorija sid Rom. Sid gama mongindorosi dit
ongoulun dit kakali amu-po kavasa mamasa di Kitab oruhai o
gama dioti mokisusukup di dau do kenginan sampai linumundu
it ongopandita om i pusat. Topot i gorija, ino-no i razat do
Kristian banalko opogos om mosikim. Linumomu it
ongopandita antad sid ongorukut. Osusa dot antad sid kouvaan
dit insani kokotu, masti manahak sid pandita. Ikid gama sid
gorija, varo barazan: ong kopomodsuan dot anak, manahak do
barang ko kakanan, varo konfirmasi ko mogontong, nga iadino.
Kodung musu i sapi, i susu di kogulu ianu sid sapi, itahak sid
pandita. Itino o sabap dot i susu di gulu kembulai sid susu do
sapi, retanko sampai biano, i dang pandita. ko i iku do manuk,
nga retanko odung di pandita, tu antad ikid manuk dit akanon
dot ulun, varo iso bahagi dit osusa patahak sid pandita. Iti kavi,
nga varo kodori do pamalanja di gorija, ong otopot, i di pandita.
Alaid-nopo, banalko lumundu i gorija dot agazo o tana om
barang om ongovalai. Iadko sid London, varo a-kopiro it alunalun sid City do London, nga sokoviai it ongovalai dang gorija
50
om niposiwa sid ongulun dot okonko omura o siwa. Tu ong sid
tanga do bandar, banalko amahal o siwa.
IV. It ongohoturan do persembaan sid ongogorija ong biano.
I kogumuai it ongogorija om ongopiumpugan, varo persembaan
do duvo ko tolu o kogunaan. Iadko i Gereja Kalimantan
Evanglis, nga kodung miumpug, hiza do sumambayang, varo
tolu o pongizanan do persembaan, bahagi: i piumpugan kondiri
om i pusat, bahagi di mosikim om bahagi do mission. Na varo
koubasan sid ogumu it ongopiumpugan, minggu-minggu
pentahan di kogunaan di persembaan dit oumpug, kokiraai,
bahagi di PLA, bahagi Tadika, bahagi Rumah Sakit, Mission,
Oikumene, Mosikim, Belia, om i iadino. Vokon-no ong
nentahan-no laid i minggu gulu, supaya osodia it ongoulun
manahak. Tu ong amu engat, a-ovit i kosukupan do siin
manahak. Ong sid dahai sid Germani, kodung Kristmas bahagi
di komojuan dit ongogorija sompomogunan, i retanko Bread For
the World, bahagi di kakanan dit Ongomosdikim sid
sompomogunan, ka, ko ong hiza dot adau Reformasi (31.10.)
nga bahagi di Bible Society (Pertubuhan Kitab) .Tanid
mantadko i persembahan di minggu-minggu ko monikid
sumambayang, varo rukut ko retanko sukoi do gorija. Kondiri
dit ulun Kristian mongitung do songkuro kogoos iosido patanid
bahagi di gorija, antad sid dau do gaji ko hasil om koposizon.
Varo-no ong cadangan, supaya it ulun kadapat mongitung di
rontob do iadino do duvo sampai limo per hatus di gaji, ko ula
ko hasil dau. Na ino rukut dino jumanji it ulun manahak dot
vokon-no ong ikid minggu, ko vulan-vulan antava apajak insan
sontoun, isuhut di kadapatan om kenginan om upakat dau. Varo
borang dot it ulun kondiri mangajanji di kogumuo dit itahak
51
dau, supaya i piumpugan kadapat mongiro di kosukupan di
balanja dau do sontoun.
Kagi atag do mongitung sino dot i kogumuai it ulun di varo
kogojian ko gama di varo hasil, osusa ioti do monukoi di
kohuntungan om gaji dau sid porinta. Dot i porinta mamakai dit
ongosiin dino sid gama pagaji dit ongonaas om ongoguru om
ongosikul om ogumu o gama vokon bahagi di razat. (Ong
kodori diri, kodung varo perpuluhan di bai insani do totolu-tolu
toun, aso sukoi vokon sid porinta. I hiza di hoturan di bansa dot
Israel, ensanan ino bahagi dipanambayangan. Suvai varo-po
raja, iri-ogi i raja minomogos dit ongoulun sid gama
mokibalanja sid dioti.)
V. Kuran i persembaan om rukut sid PCS.
1. Antad di kinotimpuunan do PCS, hiza do tilikop it ongoulun,
om ogumu it kiongosakit varo-no laid persembaan dot okudik,
ino-no it ongoragang it ongosiin. Minsanko iadino, minongitung
it ongoulion dit ongopiumpugan do sumusui di gama manahak.
Minsanko i ragang-po it anak agaratan do manahak do
persembahan.
52
IT ULION DO PIUMPUGAN OM IT ULUN DI KITUGAS
SID GORIJA nga AVANTANG O PONULUNG DI YESUS
KRISTUS 1. Timotius 3,1-7 om 4,6-16.
I. I syarat dit ulun tokou di kitugas di gorija: kiongkob, atatap,
atahan di kondiri dau, kibahazan, amu atarik sid ongohal dit aso
tantu-tantu, poindakod, elo monuduk.Amu magavuk, amu
momobog, amu olinggagut, amu odoot. Ahatul o gama sid
ongkob dau kondiri, it anganak dau obinsuhut om kibahazan. I
vaza mangahatul dit ongkob dau o tanda di gama mangahatul sid
gorija. Suntuan do Kristian ponong sid ulun do labus / a-kagavul
sid komoluan.
II. Suntuan do mangasip, i boros, kobuatano, samod, kosipan,
katahano, nga atantu. Mamasa om mongimuhun om monuduk di
Kitab sid ongoulun vokon. Kiharapan om vaza sumondiu sid
kuasa di Sundu do Kinoringan. Ontupato-no i kondiri om i
tudukan, nga kovidai neno banal.Tu asapul-ko om manapul-ko
di sumuhut dikau, ka.
Ong zazakon-no i toriso-iso o kapamarasan siti, pengkaa dino,
Ulion do piumpugan: sokoviai it ongotugas sid gorija, nga
nokosuvang sid ulion, amu monodiri ulion, President,
Setiausaha, Timbalan, Manaud Asrama, ko Tukang Masak
Asrama, PLA, SRT, Manaud Puruvan, Typist, Guru Sekolah
Minggu om i nunu-nopo tugas vokon.
Atatap: Otopot, kijanji, amu misingkavaro, amu misinganak,
aso borotuduon, aso sala, togu, damat, kalas, aso karaatan, asot
akal, (amu oruhai tumongkihal) ko atarik sid karaatan, ko
53
obinghaba, obingpalid obinggazad sid aso tantu-tantu, kisavo
dot iso: (nokokuro, ong RC amu andaman ino boros di Paulus?)
ong aso savo, oruhai do varo boros dot ulun do varo kolonduan,
tu sid tugas varo tomodon ponong sid kusai om ondu.
Atahan i kondiri dau: Amu arampus, obingrusuk, amu
humalib. Pendakod dot ulun: Ogiang o valai, otibang bahagi dit
ongoulun, osodia, aso kahagaan manalasai, retanko amu
otibang, varo gamaon vokon, gam onining sid kosusaan dot
ulun, supaya aso kopurimanan dot ulun di nokorikot dot amu
gunaon iosido, ko aso kotibangan, amu tantu mongining, ko
lobi-po mongining om memot di TV, ko outatangan dot ongkob,
savo, anak, ko gama vokon.
Elo monuduk dot ulun: Minsanko tukang masak, atag ong elo
mangagazad dot anganak do monuduk mongorib do sangup,
mangalaas do podsudu, momoug dit ongosayur om i iadino, amu
humungot ong akaramit it anak di tudukan, gam monuduk,
mangagazad, posuntu dot amu abasanan posuntu om
mangagazad.
Lobipo ong warden, guru om Manaud Puruvan, aso kiroon,
nokelo-no laid kavi-avi it ongoulun, gam mogihim do vaza
poromut sid ulun do keloo, okonko sid gama momuruvak,
misingguru, misingelo ko monguji di kelaan kondiri ko
mamajal. Odoromoi o gama monuduk.
Lobipo ong sid ulun dit a-nokosikul laid, amu oubas sumikul.
Kuran-kuran, mogihim do vaza minsomok sid ongoulun di
mokituduk ko it aso tudukan.
54
amu magavuk: Engat rontob. (Asarok it ulun atarik sid
magavuk, tu tumalib di rontob dau. Kagi, ong kobudayaan do
Momogun, misingavuk om magavuk. Retan ong amu mamung
miinum, ulun dit amu atahan, amu osiou, amu tantu kusai, ka.)
Sid gama minum, momuruvak, misingsiou, miangan di
katahanan minum, dot ong otopot, ino kavi ponong sid
kolovongo,okonko ponong sid katagan. I talib dot atag,
mongorungoi di bahazan. Iti-no i boros di Zabur 1: Ong mogom
sid umpug di mamangagauk, amu atagi. Siti diti i tokou
mongorungoi di bahazan kondiri om i ngaran do piumpugan om
gorija tokou, sampai kondiri di Yesus ot ikihizon om okihian.
Iri-ogi osusa-po do momudut ko mongolim om posusut dit amu
atag o gama, tu mad kakali andaman dot amu nokonong i gama
dino (nga tazanko minum)!!
Amu momobog: Atagal dot elo karate ong Ulun do gorija om
amu sumuhut di kavazao dit amu otopot: momudut, aso't atarang
o janji, boros, kovosihan, obingolingan, mimban-simban di
kavazao, boros, buatan, kenginan, hukum. Amu olinggagut:
ogumu o boroson, nga aso't onsi, ko avadsak o boros, kumiodu,
osopurut. Amu odoot: (NIV) not a lover of money) amu
mokisisiin, monongogorot dot amas. Ong bai odoot, amu
obintahak, ong mokisisiin, mongodoot do siin.
Ahatul o gama manaud dit ongkob dau/ it anganak obinsuhut
kibahazan: Ong i kavazao dot Momogun, oholian humarap sid
anganak, lobipo ong anak do kusai. Ombonopo i kenginan dot
anak, sumuhut om tumurut i molohing, sid valai, sid
panambayangan, nga amu obingogom, mirimpanau, kogangau,
mangagazad dit anganak vokon, (ong anak do Manaud puruvan
om vokon) hiza do minta dua mongogizak ko tumangkus. Varo
55
bahul sid Germani, ino-no: Sapi di tukang mongogilling do
gandum om it anganak dit pandita, sompi amu mopud. I lavis,
sid vaza mangahatul dit ongkob mimbulai di vaza mangahatul di
piumpugan ko i tugas vokon. Sid ongkob tumimpuun it atag o
gama mongohoturan di piumpugan om mongusaha di tugas dau
sid gorija.
Suntuan bahagi dit ulun labus: Banalko amu-ku olingan i
pongoretan dit ongokina i hiza dit ogumu-okoi ongomisionari
sid Kudat. Ka dioti: Kodung varo kurita dit oholian alangkas
mamanau sid Kudat, nga it ongokurita do Basel Mission, ka. Iti
diti, hal dot araat, okonko suntuan ponong sid kavantango. I
sokoviai i gama om kobuatano tokou, okonko bai sumasi di
kondiri, inoi nga pasasi di gorija tokou om i ngaran di Kristus,
ponong sid kavantango om ponong sid karaatan. Engat tokou
dot varo't ongopensubaan di mad sungkoliu di vozoon do rogon
dit engin mamalid di tokou. 4,5-16 It avantang o ponulung di
Yesus Kristus. (Ong sid 3, 1-7 ogumu sid otuvarig (sid negative)
ot noboros . Biano, ponong sid katagan om kosuhutan o boros di
Paulus.
Apasi antad sid ongoboros di tudukan dit avantang:
Poubaso-no sid kosusian: Sid 1. Tes.4, 3 boros di Paulus, atag
dot ipat-ipat it ulun Kristian patahu di koburo di dau do guvas
sid kuasa do Kinoringan ponong sid kosusian. Ong Silam
sumuvang sid Masjid, ko bai minta dua sid valai, momoug-po
laid di hakod, it ongopalad, longon sampai sid siku, iri-ogi i
rabas, tolingo, liou, ikid koburuo, supaya osusi iosido
tumoguvang do Kinoringan. Ko ong tumai, okonko karatas ko
pukul do dalai o pamaid di busul, inoi nga vaig, supaya osusi
banal. Tu, ka dioti, amu miuma ong bai pihidon do karatas. Kagi
56
i karatas nga onuvon bahagi monururat di boros do Kinoringan.
Ong i tokou, okonko bai PCS it oborisih dot aso dungit, rapak,
asakau sid palad om guvas ot engat, inoi nga i kosusian do
ginavo, pongitungan, mato, kabang, tolingo, hakod, longon,
palad, unturu. I sokoviai it ongokoburuo nga ohoturanon di
Habal do Kovosihan om kenginan do Kinoringan. (nga kakalido kosuvang siti dot amu atag ong sumambayang do bai sodoria
ko kikinis o soval ot pakazon. Tu ong sumamung tokou dot ulun
sid ongopoginakanan ko parti,iri-ogi engat tokou do suvai atag o
kosulungan.)
I gama mongubas di guvas. Boros di Paulus, aso tantu o guna
iti. Avantang ong kogoos i guvas. Topot vokon, oholian magavi
sid sukan, iri-ogi ohuzan dot amu kogoos di nunu-nopo it atag
dara o gamaon. Ino dino tumimpuun sid sikul. Andaman sid
pialatan dit anganak di nokogulu sumikul, varo't iso do banalko
elo tumindak dot asavat sampai agaratan iosido do mozo-nopo
dit ongosukan di siombo-nopo, tu kenginan dit ongoguru dot
ulun do Kudat kamanang dara sid ongosukan dino. Nokorikot i
poriksaan do tingkatan kotolu, nagagal-noiosido sampai akolombus sid sikul. Minsan sid tumindak, nga rumbul satu, amu
miuma do tumindak sid tingkatan kaapat. Ogumu o hiza dit
anganak sid asrama nakada sid sukan, nga okurang o kotibangan
dioti mongohondom om posurut dit ongopalajaran. It
ongosukod, nga iadino biano, ogumu o gama sid sukan-ko it
ongobelia. Mad amu otimbang i sukan om i rohani. It iso kiguna
banal, ka di Paulus, i koduvo avantang ong varo, nga okonko
kiguna do sampai penlaid.
Sino kagi, suvai kiontok o gama. Sumukod it anganak ong
guvas, nga amu-no ong i ginavo, tu kakali oholian bai momoi,
57
do tigogi, ong opongo i sikul, amu oubas do tumoguvang dit
ongogamaon. Amu kogoos sid kabun, ko sid kilang ko siombonopo, oduruk o boros dau, malan-oku, ka. Amu ovit ong ino, ka.
Jumadi do suntuan dit ongomangasip.
I boros-nu: suvai-atarang o boros, amu mangagauk,
misingkavaro, araat o boros,
I kobuatanonu: mangagazad, mangagama okonko iadko
mandul do porinta do bai monuhu, nga kondiriamu
tuduon i gama, inoi nga suntuan dot avantang.
I samod-nu: isuhut di boros sid 1.Korintus 13: agazo o
ginavo sid ulun vokon.
I kosipan-nu: suvai otulid, avalang, amu mozo do barat
iadko iku do barangkas.
I katahano-nu: Kogoos sid gama, amu obinghuzan,
obingmalan.
Mamasa do Kitab: Varo janji sid kondiri di kotibangan
mamasa do Kitab, om iri-ogi ponong sid ulun vokon do
mamasa, mongimuhun om monuduk.
Amu alazan i kosunduan-nu di nitahak sid dikou: ikid ulun
kristian, varo kosunduvo dot okonko enizo inot ongokosunduvo.
Ombo i dau, ino-no atag do pakazon-no om popudo-no ponong
sid kosurutan do gorija. Varo-no elo mongolukis, varo-no elo
fotograph, varo-no elo manaip, om i nunu-nopo koburuo dit elo,
nga atag do ponong sid katagan om kengkakatan do gorija. I
Paulus minangarait di kogumuai dit ongokosunduvo sid 1.
Kor.12:4-11 om 28- 30. Na suvai ponong sid gorija o kogunaan
om atag-ogi. Topot amu atag, ong amu mamakai di koburuo om
58
kosunduvo dino (ino-no i keloo, kosilado, i kikosukupan dit isoi,
i garal, bantug, tugas, i keloo do mongumba om mongumpai).
Posuruto-no i kosunduvo-nu: supaya kembulai i kosurutannu, ka di Paulus. Varo pandita diri di minomoros: Nokokuro-ka,
tu i hiza dit omulok-oku diri banalko minongining it ongoulun
sid dohon do sampai biano, iri-no ko iri o gama-ku
mengkhotbah. Gam inot ongokhotbah diri, kakali-oku
mamakaii. Topot ong biano, nga amu gumorija it ongoulun, ong
kodung ioku o manambayang, ka. I harati, antad insan nosodia
dau i khotbah bahagi ikid minggu, amu-no minomongo iosido
do monodia dit ongokhotbah dau, iri-no ko iri khotbah pinakai
dau.Suvai kopionong i khotbah bahagi di hiza om it ongoulun,
tu i hiza sumimban, it ongoulun sumimban, i vaza momoros
sumimban. Kagi i Habal do Kovosihan okonko iadko piring ko
kaset di siombo-nopo popudon, nga iri-no ko iri, inoi nga
ponong sid ulun biano om sid kobuatano dau.
Ontupato-no i kondiri-nu om i tudukan kovidai-neno banal:
I tudukan okonko bai ponong sid ulun vokon, inoi nga
kiharati sid kondiri. Kuran do monuduk dit ongoulun gumorija
monikid minggu, do kondiri, ong kodung aso palan, nga amu
gumorija. Iti-no o lavis nosopulan-ko om manapul-ko dit ulun
vokon. Ko sid 1.Kor.9, 24- 27 varo boros di Paulus dot, Amu
miuma do monuduk di vokon, supaya ioti kemumui, do kondiri,
amu sumuhut sampai a-kemumui.
REV. T. A. FORSCHNER
Misionari gulu sid PCS
Antad sid Jerman Barat