Sistema Operasaun (ingles : Operating System) mak software Sistema ne’ebe regula rekursu hardware no software. La ho sistema operasaun ida, uzuariu labele ezekuta programa aplikativu iha sira nia komputador, exetu programa booting. Sistema operasaun iha kronograma sistematiku ida, inklui kalkulu uzu memoria, prosesamentu dadus, armazenamentu dadus, no rekursu sira seluk. Ba funsaun sira husi hardware nian hanesan entrada no saida no alokasaun memoria, Sistema operasaun atua hanesan intermediariu ida entre programa aplikativu no hardware komputador, maske kodigu aplikativu ezekutadu diretamente husi hardware no frekuentemente sei kontaktu OS ka deskonekta. Sistema operasaun ne’ebe ita hetan kuaze iha dispozitivu hotu ne’ebe konten komputador – husi selular no console videogame sira ba superkomputador no servidor web. Funsaun Sistema Operasaun Hanesan software iha komputador ida, Sistema operasaun iha funsaun importante oi-oin no sem Sistema operasaun, maka komputador labele ezekuta programa no nia funsaun sira. Funsaun principal balun husi Sistema operasaun mak tuir mai ne’e : 1. Jere servisu hardware no software Software sei la funsiona se laiha Sistema ne’ebe konekta ho hardware. Ida ne’e mak funsaun husi Sistema operasaun. Hardware hanesan CPU, memoria, RAM, no hardisk sei suporta servisu husi aplikasaun se iha Sistema operasaun ne’ebe kontrola dispozitivu rua ne’e. 2. Ezekuta Sistema baziku Hanesan mensiona tiha ona, katak Sistema operasaun hanesan regulador servisu desde inisiu, maka sei Sistema operasaun la funsiona, bele verifika katak programa hotu sei labele ezekuta no makina externa deit maka funsiona. Karik aat, ne’e sei fatal nu’udar rezultadu, tamba operasaun husi inisiu labele ezekuta. 3. Hanesan Interface Ezibisaun gadget no monitor mak rezultadu servisu husi Sistema operasaun komputador. iha liafuan seluk, Sistema ida ne’e fasilita aplikasaun iha ezekutasaun programa no fornese aparensia atraente. 4. Fatin ba aplikasaun Aplikativu sira ne’ebe iha gadget ka komputador ne’e opera iha Sistema ne’e rasik. Ida ne’e mak halo software funsiona. Ka fasil liu kompara Sistema operasaun hanesan fatin atu tau balun ne’ebe sei bele funsiona se karik Sistema operasaun funsiona. Aleinde garante prosesu funsionamentu diak, regula mos servisu aplikativu atu labele sobrekarega hardware. 5. Jere servisu dispozitivu komputador Iha Sistema komputador ka gadget, iha dezena programa ne’ebe ezekuta hela. Se la regula, maka nia servisu sei todan no iregula tuir definisaun Sistema operasaun ne’ebe temi iha leten. Tan ida ne’e mak Sistema operasaun jere funsaun hotu atu bele ezekuta sekuensialmente, atu Sistema operasaun labele aat. Se iha erru (error), kauza husi Sistema ne’ebe mak servisu makas to’o desativa. Aleinde funsaun lima ne’ebe temi iha leten, Sistema operasaun mos iha papel ida iha kontrolu uzuariu. Uzuariu iha asesu atu opera programa hotu ne’ebe eziste. Maibe, se laiha supervizaun no kontrolu maka sei akontese aat ne’ebe rezulta prosesu atrazu. Tan ne’e mak iha programa balun ne’ebe labele asesu husi uzuariu tamba iha supervizaun husi Sistema operasaun. Ezemplu husi Sistema operasaun modern mak hanesan Linux, Android, iOS, Mac OS X no Microsoft Windows. Sistema operasaun baibain instala ona bainhira ita sosa komputador. Maioria husi uzuariu uza imediatamente Sistema operasaun ne’e, maibe ita mos bele muda ho Sistema operasaun sira seluk. Eziste Sistema operasaun tolu ne’ebe komumente uza, maka Microsoft Windows, Mac Os X, no Linux. Atualmente, Sistema operasaun modern utiliza ona interface grafika uzuariu (bolu GUI). Liu husi GUI, ita bele uza mouse atu klik iha icon, butaun no menu sira. Aleinde ne’e, GUI fo sai informasaun hotu iha komputador uza kombinasaun grafiku no testu. MICROSOFT WINDOWS Microsoft kria Sistema operasaun Windows iha meadu tinan 1980. To’o ohin loron, eziste ona versaun barak husi windows, maibe versaun sira ne’ebe foun mak hanesan Windows 10 (lansa iha tinan 2015), Windows 8 (lansa iha tinan 2012), Windows 7 (lansa iha tinan 2009) no Windows Vista (lansa iha tinan 2007). Windows instaladu diretamente iha komputador foun sira, halo nia sai Sistema operasaun ne’ebe popular tebes. MAC OS X Mac OS mak Sistema operasaun ne’ebe kria husi Apple. Sistema operasaun ida ne’e instaladu iha komputador Macintosh (bolu Mac) hotu. Versaun hotu husi Mac OS ne’ebe foun koñesidu hanesan OS X (bolu OS Ten), inklui versaun seluk hanesan El Capitan (lansa iha tinan 2015), Yosemite (lansa iha tinan 2014), Mavericks (lansa iha tinan 2013), Mountain Lion (lansa iha tinan 2012), no Lion (lansa iha tinan 2011). Bazeia ba StatCounter Global Stats, partisipasaun merkadu Sistema operasaun Mac OS menus 10% husi uzuariu Sistema operasional global. Estatistika ida ne’e kiik liu husi porsentajen uzuariu Sistema operasional Windows (liu 80%). Kauza ida mak husi razaun presu komputador Apple karu liu. Maibe, ema barak prefere liu aparensi husi Sistema operasaun Mac OS X duke Windows. LINUX Linux (pronunsia LINN-ux) mak tipu husi Sistema operasional kodigu abertu (open-source), ne’ebe nia kodigu programa (source code) bele modifika no distribui husi se deit iha mundu tomak. Sistema operasaun Linux la hanesan ho sistem operasaun proprietariu Windows (modifikasaun kodigu programa so bele halo deit husi empreza kriador Windows). Vantajen balun husi Linux mak gratuita no eziste varia barak ne’ebe bele hili tuir ita nia hakarak. Tuir StatCounter Global Stats, partisipasaun merkadu uzuariu Sistema operasional Linux menus 2% husi uzuariu Sistema operasional global. Maske nune’e, maioria husi komputador servidor uza Linux tamba relativamente fasil atu modifika.